Topher Grace
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Topher Grace | |
![]() | |
Volledige naam | Christopher John Grace |
Gebore | 12 juli 1978 |
![]() |
Christopher John (Topher) Grace (New York City, 12 juli 1978) is 'ne Amerikaanse acteur. Heer späölde oonder mie Eric Forman in de sitcom That '70s Show tijdes de ierste zeve sezoene tot dees show leep en Eddie Brock in de film Spider-Man 3 (2007).
Zien vreug jaore
[bewirk | brón bewèrke]Grace woort gebore es zoon vaan Patricia, 'n kentoermetwèrkster en assistent vaan 't sjaolhoof vaan de New Canaan Country School in New Canaan, Connecticut, en John Grace, 'ne zakemaan. Heer heet nog 'n zuster: Jenny. Grace greujde op in Darien, Connecticut, boe heer actrice Kate Bosworth vaan kint. Heer späölde in inkele toneelstökke vaan de middelbare sjaol mèt Chloë Sevigny. Heer besloot op de middelbaar sjaol ouch de naom Topher aon te numme, omtot heer 't irritant voont tot me zienen echte naom dèks afkortte tot Chris.
Grace ging nao de Fay School in Southborough, Massachusetts en Brewster Academy in Wolfeboro, New Hampshire. Hei oontdèkde de producer vaan That '70s Show häöm (zien dochter zaot ouch op die sjaol). Heer zaog Grace speule in 'n lokaol toneelproduktie vaan A Funny Thing Happened on the Way to the Forum.
Carrière
[bewirk | brón bewèrke]Grace kraog de rol vaan Eric Forman inThat '70s Show, dee debuteerde in 1998. De sitcom waor succesvol en Grace woort bekind bij väöl lui. Heer späölde de rol t/m 2005, boenao heer de serie verleet veur 'n carrière es filmacteur. De serie zelf eindigde in 2006. Grace had nog wel e gastoptreie in de lèste aoflevering. Evels waor de cast vaan That 70s Show neet blij mèt 't feit tot heer midde in 't succes weg góng. That '70s Show-aktäör neumde Topher Grace daoveur in 'n tiedsjrif oet Los Angeles 'ne egoïstische maan.
Grace ging hiel eve studere aon de University of Southern California, mer vertrok al tijdes zien ierste jaor um ziech te concentrere op zien acteercarrière. Heer kraog 'n rol in Steven Soderbergh's Traffic (2000). Heer kraog ouch 'n cameorol (dat is 'n rol, boe zoe wienig bekind vaan is, tot Grace ziene eige naom droog in de film, mer neet umtot heer ziech zelf späölt) in Ocean's Eleven (2001) en Ocean's Twelve (2004), mer in bei gevalle woort heer neet geneump in de aoftiteling.
In 2004 had Grace groete rolle in twie films: heer späölde de hoofrol in Win a Date with Tad Hamilton! en In Good Company. Datzelfde jaor waor Grace te zien in de film P.S., dee mer in 'n klein aontal cinema's waor te zien. Grace’s werk in P.S. en In Good Company woort erkind door de National Board of Review vaan films in de categorie "Breakthrough Performance by an Actor". In 2005 presenteerde Grace Saturday Night Live.
In 2010 zal heer es ierste versjijne in {Valentine's Day]]: 'ne mozaïekfilm. Dat wil zègke: 'ne film mèt 'n hieleboel verhaollijne die allemaol mèt 't zelfde thema te make höbbe. Sinds zien rol in 2007 (Spider-Man 3) heet heer neet mie in 'ne film gespäöld dee ouch in Europa in de cinema versjeen. Dao zal deze film verandering in bringe. Ouch is heer dit jaor te zien in de komedieserie Young Americans. Nog neet is bekind of dee ouch in Nederland te zien zal zien. Wel is dit 'ne nuie stap veur Grace, aongezeen heer heet mètgewèrk aon 't script.
Filmografie
[bewirk | brón bewèrke]Jaor | Titel | Rol | Notities |
---|---|---|---|
2000 | Traffic | Seth Abrahms | |
2001 | Ocean's Eleven | Ziechzelf | (Uncredited) |
2003 | Mona Lisa Smile | Tommy Donegal | |
2004 | Win a Date with Tad Hamilton! | Pete Monash | |
P.S. | F. Scott Feinstadt | limited release | |
Ocean's Twelve | Ziechzelf | (Uncredited) | |
In Good Company | Carter Duryea | ||
2007 | Spider-Man 3 | Edward "Eddie" Brock, Jr. / Venom | |
Coxblocker | William Cox | ||
2010 | Valentine's Day | Jason | Weurt fibberwarie verwach |
Young Americans | Matt Franklin | in productie |
Extern links
[bewirk | brón bewèrke]- IGN Films interview (22 dec 2004)
- About.com interview (jan 2004)