Sestri Levante
ZE
|
Questa pàgina a l'é scrîta in léngoa zenéize |
| Sestri Levante comùn | ||
|---|---|---|
| ||
 Panoràmma de Séstri Levànte
| ||
| Localizaçión | ||
| Stâto |  Itàlia
| |
| Región |  Ligùria
| |
| Çitæ metropolitann-a |  Zêna
| |
| Aministraçión | ||
| Scìndico | Francesco Solinas (lìste cìviche de centro-drîta) da-o 29-5-2023 | |
| Dæta de instituçión | 1861 | |
| Teritöio | ||
| Coordinæ: | 44°16′24″N 9°23′35.66″E | |
| Altitùdine | 10 m s.l.m. | |
| Superfìcce | 33,62 km² | |
| Abitanti | 17 286[1] (31-10-2023) | |
| Denscitæ | 514,16 ab./km² | |
| Fraçioìn | Pila in-scio Gromolo, Renà, Riva, San Bærtomê da Ginestra, San Benardo, Santa Marghaita de Fossa Luvæa, Santa Vittòia, Trigoso, Villa Azaro, Villa Cascin, Villa Costarossa, Villa Libiola, Villa Loto, Villa Rovereto, Villa Tassan | |
| Comùn confinanti | Cazarsa, Lavagna, Monêgia, Né | |
| Âtre informaçioìn | ||
| CAP | 16039 | |
| Prefìsso | 0185 | |
| Fûzo oràrio | UTC+1 | |
| Còdice ISTAT | 010059 | |
| Cod. cadastrâ | I693 | |
| Targa | GE | |
| Cl. scìsmica | zöna 3 (sismicitæ bàssa)[2] | |
| Cl. climàtica | zöna D, 1 416 GG[3] | |
| Nomme abitanti | Sestrìn | |
| Sànto patrón | San Nichiôzo | |
| Giórno festîvo | 6 de dexénbre | |
| Cartògrafîa | ||
  Sestri Levante | ||
.svg) | ||
| Scîto instituçionâle | ||
Séstri Levànte o l'é 'n comùn lìgure de 17.286 abitanti[1] inta çitæ metropolitann-a de Zêna.
Giògrafîa[modìfica | modìfica wikitèsto]
O comùn o l'é pòsto a-o confìn co-a provìnsa de Spézza, e o l'é 'n di ùrtimi comùn che s'afacian in sciô Gorfo do Tigullio. E seu ciù grénde mâvéggie són e seu dôe bâie, a Bâia d'e Föe (coscì ciamâ pe l'abitùdine de Hans Christian Andersen de vegnî chi a scrîve e seu föe) e a Bâia do Silençio, separæ sôlo da 'n sotî istmo de tæra ch'unìsce a çitæ a l'izoöto di Castélli. O l'é pe quésto motîvo che Séstri Levànte o l'é ascì frequenteménte ciamâ "a çitæ di doî moæ" da-i seu abitànti.
Séstri Levànte a l'é separâ da-o vexìn pàize de Riva Trigoso pe mêzo do Cappo de Pónta Manæa, ch'o l'é 'n beliscimo pónto panorâmico p'amiâ a çitæ e o mâ. O céntro stòrego o se atrêuva vexìn a-e dôe bâie, méntre a parte ciù modèrna a se svilupa inta ciann-a.
Stöia[modìfica | modìfica wikitèsto]
Séstri Levànte a l'êa conosciûa a-i ténpi di Romen cómme Segesta Tigulliorum, ch'o derîva da-o nómme di seu abitanti, i Tigulli. A-i ténpi antîghi, quand'ancón a çitæ a no l'existéiva, l'izoöto di Castélli o l'êa separòu da-a tæraferma, ma e frequénti inondaçioìn di sciùmmi Gromolo e Petronio àn fæto amugiâ mólta tæra, che ciàn cianìn a l'à formòu l'istmo dónde ancheu se scitoa o céntro stòrego: a poxiçión strategica a l'à permìsso ànche de diféndise da-i foestê ch'arivâvan pe mâ, avéndo a çitæ 'nna roccaforte naturâle in sce l'izoöto.
Moltìscimi pòpoli foestê l'àn atacòu Séstri Levànte durànte o Medio Evo, quand'o l'êa 'n posediménto da Repùbrica de Zêna: i Fieschi de Lavagna àn provòu a conquistâ a çitæ into 1133 cómme pûre Pîza into 1170, ma sénsa sucèsso. Into 1172, perö, i Malaspinn-a e i Fieschi se són piggiæ a çitæ da-o domìnio da Repubrica de Zêna, e àn battûo Castruccio Castracani da Lucca into 1327. I Visconti de Milàn dapeu àn piggiòu Séstri Levànte into 1365, e o pàize o l'à rexistûo 'n atàcco da Venéçia into 1432.
Séstri Levànte a l'é stæta atacâ da-i corsæ tùrchi into 1542 e da-i saraxin into 1607. Finarménte, con Napolion, o pàize o l'é stæto anessòu into Inpêo Françéize e dapeu into 1815, co-o Congrèsso de Viénna, Séstri Levànte e a Repùbrica de Zêna són stæte incorporæ into Régno da Sardégna fin a-a fondaçión do Régno d'Itàlia into 1861.
Abitànti[modìfica | modìfica wikitèsto]
Evoluçión demogràfica[modìfica | modìfica wikitèsto]
Abitanti censîi[4]
Pòsti de interèsse[modìfica | modìfica wikitèsto]
A çitæ de Sestri Levante a l'è pinn-a de gêxe, tra e quæ, e ciù inportanti són:
- Santa Maria de Nazareth (XVII secolo), neoclascica, posta in mêzo a-e dôe bâie
- San Nichioso, romanica, costroîa in çimma a l'izoöto
- Madonnin-a do Grappa
- San Steva do Pónte
Economîa[modìfica | modìfica wikitèsto]
Gràçie a-a beléssa do pòsto, Séstri Levànte a vîve soviatùtto de turìsmo, gràçie ai vixitatoî lombàrdi, piemontéixi e tedéschi ch'i vegnàn a pasâ e vacànse a-a ciazza.
A prinçipâ sede de indùstria, a Fincantieri, a se tréua a Riva Trigoso, pöco distànte da Séstri Levànte, e a provédde lòu a tùtta a çitæ.
Coltûa[modìfica | modìfica wikitèsto]
Manifestaçioin, fèste e fêe[modìfica | modìfica wikitèsto]
- A primavéia se fâ a Séstri Levànte o Premio Andersen, a premiaçión do lìbbro ciù bèllo scrîto da e pe-i figeu, coscì ciamòu in önô do grande scritô de föe Hans Christian Andersen.
- A Barcarolata, ch'a se fâ l'urtima doménega de lùggio, inta quæ i volontâi sfilan p'a çitæ co 'nn-a barca adornâ in mainêa ridìcola, e vinçe chi pórta a barca ciù strânn-a p'a strâ.
- Hanoa Hanoa, tradiçionâ fèsta hawaiiann-a do segóndo matesdì d'agósto, promòssa da-a famôza discotéca Piscinn-a di Castélli.
Note[modìfica | modìfica wikitèsto]
- ↑ 1,0 1,1 Dæto Istat - Popolaçion rescidente a-i 31 d'òtobre do 2023.
- ↑ Clascificaçion sismica (XLS), in sce protezionecivile.gov.it.
- ↑ Lézze 26 agósto 1993, n. 412, alegòu A, Tabélla di gràddi/giórno di Comùn pe Región e Provìnsa (PDF), in sce efficienzaenergetica.acs.enea.it, 1 màrso 2011, p. 151. URL consultòu o 25 arvî 2012.
- ↑ Statistiche I.Stat - ISTAT; URL consultòu o 30-12-2023.
Âtri progètti[modìfica | modìfica wikitèsto]
Wikimedia Commons a contêgne di files in sce Sestri Levante
Ligammi de fêua[modìfica | modìfica wikitèsto]
- (IT) Scîto ofiçiâ, in sce comune.sestri-levante.ge.it. URL consultòu o 21 zùgno 2024.
| Contròllo de outoritæ | VIAF (EN) 312811978 · LCCN (EN) n83211904 · GND (DE) 4337514-5 · BNF (FR) cb12043434d (data) · WorldCat Identities (EN) n83-211904 |
|---|