Interpol jobbar særleg med fire slags kriminalitet:
Organisert kriminalitet betyr at fleire personar går saman om å drive med kriminalitet over tid, for å tene pengar på det. Eksempel på organisert kriminalitet er handel med narkotika, ulovleg handel med våpen og å lage falske pengar.
Terrorisme er bruk av vald mot vanlege folk, for å skape frykt og dermed påverke korleis samfunnet fungerer.
Datakriminalitet er kriminalitet mot data og datasystem. Det kan for eksempel vere at nokon bryt seg inn i datamaskina til andre og stel eller øydelegg informasjon. Dette blir òg kalla hacking.
Økonomisk kriminalitet er lovbrot for å tene pengar.
Både organisert kriminalitet, terrorisme, datakriminalitet og økonomisk kriminalitet skjer ofte på tvers av grensene mellom ulike land. Gjennom Interpol er det lettare for politiet å etterforske og stoppe slik kriminalitet.