Cristianità paolina
![]() |
Quest articol chì l'è scrivud in lombard, con la Noeuva Ortografia Lombarda |
La cristianità paolina, ciamada anca gentil, a l'è la teologia cristiana che l'è vegnuda foeura del penser del Paol de Tars, apostol sgiudee de coltura ellenistega, che l'era vert al toeu part di gentil, o ben i minga sgiudee, a la noeuva fed cristiana. El Paol l'ha scrivud un poo de letere a varie comunità cristiane e 'l sostegniva che 'l noeuv pat in tra Dio e i credent el fuss vert a tucc e minga domà ai sgiudee e che donca besognava bandonà varie prateghe vegge, compagne de la circoncision, che ghe pareven minga necessarie e domà di rimasuj de la lesg del Mosè.
A bon cunt, la cristianità proto-ortodossa la se fonda propi tant in sul penser del Paol, che inn vist 'me un slargà de quell che l'ha insegnad el Gesù. Donca, i moviment che se recognossen no in di so penser inn despess vist pussee 'me di sete che 'me di confession cristiane. Comunque, a partì del secol quell de desdot vari studios hann tacad a sostegnì che i so insegnament a inn diferent de quei del Crist.