Nanni Svampa
|
|
Quel articul chì l'è scrivüü in Lumbard, cun l'urtugrafia insübrica ünificada. |
Nanni Svampa (Milàn, 28 febràr 1938-Vares, 26 de agost del 2017), l'è stai un cantànt, scritùr e atùr milanés, fundadùr dal grüp musicàl dialetàl I Gufi, cun Roberto Brivio, Gianni Magni e Lino Patruno.
Biugrafìa[Modifega | modifica 'l sorgent]
Nanni Svampa l'è nasüd pochi an prima dal cunflìt mundiàl a Porta Venésia, vün di poch ingrès d'la Milàn del'età de méz amò in pé. Porta Venésia l'èra 'na zona pupulàra, abitàda da uperàri e impiegàd, che vivevùn ind'le cà de ringhèra, ca che se afacèvun sü de un curtìl cumün e che in cumün dividèvun anca la vita de tüti i dì.
Quésta cültura pupulàna l'è stàia pö rafursàda dall'inìsi d'la guèra.