Abu Nawas
![]() | |
Nama dalam bahasa asli (id) ![]() | (ar) أبو نواس ![]() |
---|---|
Biografi (id) ![]() | |
Èlahèraghi | <abbr title="Kira-kira (id) ![]() ![]() Ahvaz (id) ![]() ![]() |
Kematian (id) ![]() | 814 (Kalender Masehi Gregorius) ![]() Bagdad (id) ![]() ![]() |
Agama (id) ![]() | Islam ![]() |
Kegiatan (id) ![]() | |
Pekerjaan (id) ![]() | Penyair (id) ![]() ![]() ![]() |
Genre (id) ![]() | Puisi (id) ![]() ![]() |
Abu Nawas (Abū-Nuwās: bhâsa Arab: ابو نواس) (Madhurâ:ꦲꦧꦸꦤꦮꦱ꧀), otabâ sè èkennal kalabân nyama Abu Ali Al-Hasan bin Hani Al-Hakami (756-814) otabâ Abu Nawas iyâ arèya sala sèttong penyair Arab. Abu nawas lahèr è Kotta Ahvaz, Persia. Abu Nawas aropaaghi toronan Arab bân Persia.[1]
Abu Nawas tamaso' sala sèttonga penyair Sastra Arab klasik sè kotara. Abu Nawas èkennal orèng sè bijaksana bân orèng sè loco.[2] Abu Nawas bâḍâ è sala sèttonga carèta sèbu sèttong malem.[3] È carètana Abu Nawas ta' terro dhâddhi hakim (qadi) samarèna ollè bâsiyat ḍâri bapakna, mangkana Abu Nawas ongghâ ka bhungkana gheddâng akadhi jhârân.[4] Abu Nawas segghut ètantang sareng Harun Ar-Rasyid bân cakancana Abu Nawas sopajhâ alakonè kalakowan sè ta' masok akal akadhi ngallè maligi ḍâ' ghunong bân èn-laèn. [5]
Carèta oḍi'
[beccè' | beccè' sombher]Lahèr
[beccè' | beccè' sombher]Abu Nawas lahèr è taon 747 M è Kotta Ahvaz, Iran molaè ghi' kènè'. Nyama lanjhânga Abu Ali Al-Hasan bin Hani Al-Hakami. Saamponna ramana sobung omor, èbhuna nyambi Abu Nawas ngallè ḍâ' Kotta Basra, Irak. È !dissa', ajhâr cem-macema èlmo aghâma akadhiyâ èlmo hadis, sastra Arab, bân èlmo Al-Qur’an. [6]
Alako è Baghdad
[beccè' | beccè' sombher]Ta' abit samarèna ajhâr èlmo aghâma, Abu Nawas atemmo kalabân Walibah ibn Habib Al-Asad. Walibah aberri' pangajhâran ka Abu Nawas sopajhâ maalos bân mabhâgus bhâsa sè èyangghuy. Abu Nawas mangkat ka Kufah kalabân tojjhuwân atemmo bân orèng Arab Badui, sopajhâ bisa ajhâr maalos bân maḍâlem sastra bhâsa Arab. Mèlana ḍâri rèya Abu Nawas bisa dhâddi orèng sè kotara polana puisina sè loco, sè ḍimma èssèna puisina benni tema-tema tradisional akadhi tema padang pasir, nangèng èssèna puisina Abu Nawas arèya acarèta kaoḍiân orèng kotta, kabhungaan ngènom miras bân carètana na'-kana' lakèk ngoḍâ sè parappa'an trèsna. Abu Nawas aghâbhây puisi sè èssèna pojhiân akantha adukung ḍâ’ Khlaifah Harun Ar-Rasyid, ahèrra Abu Nawas èpadhâddhi kaparjhâânna Khalifah Harun Ar-Rasyid, Raja Dinasti Abbasiyah sè nomer lèma'.[7]
Tobhât
[beccè' | beccè' sombher]Abu Nawas ghi' ngoḍâna arèya orèng sè lèbur mèrammè, lèbur hura-hura, lèbur bu'-mabu'ân saèngghâna èssè puisina tentang bu'-mabu'ân, rèng binè', bân trèsna. Tapè makkè lèbur bu'-mabu'ân, kapènteranna Abu Nawas è ḍâlem aghâbay puisi sobung tandinganna. Abu Nawas bisa aghâbay oca' sè bhâghus. È sèttong bâkto Abu Nawas maca puisi tentang Bani Mudhar, Abu Nawas èyokom sabâb khalifah arassa tersinggung ḍâ’ puisina sè èbâca Abu Nawas. [5]
Samarèna èyokom, puisi-puisina Abu Nawas aobâ religius, manabi sabâlluna Abu Nawas sombong, samangkèn lebbhi pasra ḍâ’ kobhâsana Allah. Syair-syairrâ sè tentang atobhât abhuktè jhâ’ saongghuna Abu Nawas anḍi' èlmo sè tèngghi.[8]
Sèdhâ
[beccè' | beccè' sombher]Bânnya' pendapat Taon wafatta Abu Nawas, baḍâ sè ngoca' taon 806 M, baḍâ sè ngocak taon 813 M, baḍâ sè ngocak kèya taon 814 M. èkobhuraghi è Kotta Bagdad, Irak. [6]
Sombher
[beccè' | beccè' sombher]- ↑ Esat Ayyıldız. "Ebû Nuvâs’ın Şarap (Hamriyyât) Şiirleri". Bozok Üniversitesi İlahiyat Fakültesi Dergisi 18 / 18 (2020): 147-173.[1],
- ↑ Subroto, Lukman Hadi, kompas.com, "Abu Nawas, Penyair Legendaris Era Kejayaan Islam", aksès 2023-01-23.
- ↑ Bestari, Niken, bobo.grid.id, "Terkenal di Dongeng 1001 Malam, Siapakah Abu Nawas? #MendongenguntukCerdas", aksès 2023-01-23.
- ↑ Fathoni, Ahmad, Nu Online, nu.or.id, "Ketika Ayah Abu Nawas Wafat", aksès 2023-01-23.
- ↑ 5,0 5,1 republika.co.id, "Mengenal Abu Nawas", akses 17-01-2023.[2]
- ↑ 6,0 6,1 "Tokoh Sufi: Abu Nawas, Penyair Ulung Nan Jenaka". Republika Online. 2011-08-03. Diakses tanggal 2020-04-07.[3]
- ↑ Hakim, Abdul. "Abu Nawas, Penyair Juga Orang Tercerdik di Dunia – Universitas Abulyatama" (dalam bahasa Inggris). Diakses tanggal 2020-04-07
- ↑ "Sekelumit tentang Sosok Abu Nawas yang Perlu Dikenal". SUFIZ.COM (dalam bahasa Inggris). 2018-05-12. Diakses tanggal 2020-01-13.[4]