Jalgaon News in Marathi

Jalgaon News: जळगाव उत्तर महाराष्ट्रातील एक प्रमुख जिल्हा आहे. सुवर्णनगरी म्हणून फक्त राज्यातच नव्हे तर संपूर्ण देशात जळगाव शहर प्रसिद्ध आहे. यासोबत जळगावची केळीही प्रसिद्ध आहे. डाळींसह चटई उद्योग ही जळगावची अनोखी ओळख आहे. युरोप, इटली, जर्मनी, फ्रान्स, नॉर्वे, अमेरिका या देशांमध्ये जळगावच्या चटईची निर्यात होते. अत्यंत दुर्मिळ असलेल्या मंगळ ग्रह मंदिरांपैकी संपूर्ण देशातलं दुसरं मंगळ ग्रहाचं मंदिर हे अमळनेरमध्ये आहे. तसंच आखाजी म्हणजे अक्षय्य तृतीया मोठा उत्साहात साजरी केली जाते. आशिया खंडातील सर्वात मोठी शासकीय कर्मचाऱ्यांची सरकारी पतपेढी म्हणून जिल्ह्यातील ग. स. सोसायटी ओळखली जाते. राजकारणात राष्ट्रवादी, भाजप आणि शिवसेनेचा जिल्ह्यात दबदबा आहे. सुरेश जैन, एकनाथ खडसे, गिरीश महाजन, गुलाबराव पाटील यांचे वर्चस्व पाहायला मिळते.