Satara News in Marathi

Satara Marathi News: सातारा जिल्हा हा पश्चिम महाराष्ट्रातील महत्त्वाचा जिल्हा आहे (Satara News). सातारा जिल्ह्याचं भारतीय स्वातंत्र्यलढ्यात महत्त्वाचं योगदान आहे. विभाजनपूर्व सातारा जिल्ह्यातील क्रांतिकारकांनी साताऱ्याच्या प्रतिसरकारच्या प्रयोगानं ब्रिटिशांना जेरीस आणलं होतं. सातारा जिल्ह्यात कृष्णा, वेण्णा, कोयना, उरमोडी अशा प्रमुख नद्या आहेत (Latest Satara News). जिल्ह्यात कोयना, धोम, उरमोडी, वेण्णा अशी मोठी धरणं देखील आहेत. कोयना धरणातील शिवसागर जलाशयावर जलविद्युत प्रकल्प असून त्यातून मोठ्या प्रमाणात वीज निर्मिती केली जाते. सातारा जिल्ह्यात सातारा, वाई, खंडाळा, कोरेगाव, फलटण, दहीवडी, खटाव, कराड, पाटण, जावळी, महाबळेश्वर हे ११ तालुके आहेत. सातारा जिल्ह्यात १७१९ गावं आहेत (Satara Crime News). सातारा लोकसभा आणि माढा लोकसभा मतदारसंघात जिल्हा विभागला गेला आहे. तर, जिल्ह्यात विधानसभेचे ८ मतदारसंघ आहेत. साताऱ्यात सध्या श्रीनिवास पाटील, रणजितसिंह निंबाळकर हे लोकसभेवर प्रतिनिधीत्व करतात. उदयनराजे भोसले राज्यसभेचे खासदार आहेत. पृथ्वीराज चव्हाण रामराजे नाईक निंबाळकर, दीपक चव्हाण, मकरंद पाटील, जयकुमार गोरे, बाळासाहेब पाटील, शशिकांत शिंदे, महेश शिंदे, शंभूराज देसाई, शिवेंद्रराजे भोसले, हे प्रमुख लोकप्रतिनिधी आहेत. साताऱ्यातून यशवंतराव चव्हाण, बाबासाहेब भोसले, पृथ्वीराज चव्हाण मुख्यमंत्री बनले आहेत. सध्याचे महाराष्ट्राचे मुख्यमंत्री एकनाथ शिंदे यांचे मुळगाव देखील सातारा जिल्ह्यात आहे. २०११ च्या जणगणनेनुसार जिल्ह्याची लोकसंख्या ३० लाखांच्या जवळपास आहे.