Tashqi ishlar vazirligida Turkiya Elchisi bilan uchrashuv bo‘lib o‘tdi

2024-yilning 20-iyun kuni O‘zbekiston Respublikasi tashqi ishlar vaziri o‘rinbosari Muzaffar Madrahimov Turkiya Respublikasining Favqulodda va Muxtor Elchisi Olgan Bekar bilan uchrashuv o‘tkazdi.

Uchrashuvda tomonlar O‘zbekiston-Turkiya kun tartibidagi dolzarb masalalarni ko‘rib chiqdilar va O‘zbekiston Prezidentining joriy yil 5-6-iyun kunlari Turkiyaga amalga oshirgan rasmiy tashrifi chog‘ida erishilgan kelishuvlar ijrosi yuzasidan fikr almashdilar.

Iqtisodiy diplomatiyani faollashtirish, xususan, Turkiyaga eksport qilinadigan O‘zbekiston mahsulotlari nomenklaturasini kengaytirish, shuningdek, mintaqalararo hamkorlikni mustahkamlash masalalari muhokama qilindi.