Zaini
Zaini | |
---|---|
Lahia | 17 Maret 1926 |
Maningga | 25 September 1977 (umua 51) |
Kabangsaan | ![]() |
Alma mater | - INS Kayutanam, Sumatera Barat - Keimin Bunka Shidosho, Jakarta - Sanggar Seniman Indonesia, Yogyakarta |
Karojo | Palukih |
Pasangan | Asmi Zaini |
Zaini (lahia di Pariaman, Sumatera Barat, 17 Maret 1926 – maningga di Jakarta, 25 September 1977 pado umua 51 taun) adolah surang tokoh palukih Indonesia nan produktif. Zaini banyak baraja malukih pado palukih-palukih senior sarato tarnamo di Indonesia, sarupo Basuki Abdullah, S. Soedjojono jo Affandi pado maso panduduakan Japang.[1]
Sabalunnyo Zaini pernah pulo basakola di INS Kayutanam, sabuah limbago pandidikan khusuih nan didirian dek Muhammad Sjafei di Kayutanam, Sumatera Barat. Di INS Kayutanam, Zaini mandapekan palajaran dasar malukih dari Wakidi, surang palukih naturalis tanamo. Sadangkan pandidikan formalnyo cuma sampai kelas 5 Sakola Rakyat (SD). Zaini nan baaliran impresionisme ko alah maadoan pameran lukisan di banyak tampek, baiak di dalam maupun lua nagari. Zaini dikenal sabagai surang palukih nan produktif sarato alah manyalengaraan pameran tungga partamonyo pado taun 1969 di Taman Ismail Marzuki (TIM), sarato pameran tungga tarakhianyo pun di TIM pulo pado Oktober 1976.[2]
Riwayaik
[suntiang | suntiang sumber]Kahidupan
[suntiang | suntiang sumber]Zaini lahia di Pariaman, Sumatera Barat pado 17 Maret 1926. Zaini manikah jo Asmi Zaini dan dikaruniai tigo urang putra jo duo urang putri. Pado tanggal 25 September 1977, Zaini maningga dunia katiko baaktivitas lari pagi di daerah Slipi, Jakarta Barat dalam usia 51 taun.[3]
Pandidikan
[suntiang | suntiang sumber]- INS Kayutanam, Sumatera Barat, baraja dasar malukih jo Wakidi
- Keimin Bunka Shidosho, Jakarta, latihan malukih jo S. Sudjojono (1942)
- Di Jakarta, baraja teknik malukih akademis dari Basuki Abdullah (1943)
- Sanggar Seniman Indonesia, Yogyakarta, baraja malukih jo Affandi (1945)
Pangaragoan
[suntiang | suntiang sumber]- Anugerah Seni dari Pamarentah Indonesia (1972)
- Hadiah Seni Akademi Jakarta (1978)
Rujuakan
[suntiang | suntiang sumber]- ↑ "Profil Zaini". Jakarta.go.id. Diarsipkan dari versi asli tanggal 2013-10-06. Diakses tanggal 28 Desember 2013.
- ↑ "Pelukis Zaini". Taman Ismail Marzuki. Diarsipkan dari versi asli tanggal 2013-04-04. Diakses tanggal 28 Desember 2013.
- ↑ "Zaini, Pelukis Indonesia Paling Produktif, Meninggal Sewaktu Lari Pagi" (PDF). archive.ivaa-online.org . Diakses tanggal 28 Desember 2013.[pranala nonaktif permanen]
Pautan luar
[suntiang | suntiang sumber]- "Pelukis Gigih Kita Itu Mendadak Pergi Buat Selamanya" (PDF). Diakses tanggal 28 Desember 2013.[pranala nonaktif permanen]
- Laman jo argumen gando di pamanggilan templat
- All articles with dead external links
- Articles with dead external links from October 2022
- Articles with permanently dead external links
- Pages using infobox person with unknown parameters
- Pages using infobox person with unknown empty parameters
- Articles with hCards
- Tangga lahia 17 Maret
- Lahia 1926
- Tangga kamatian 25 September
- Kamatian 1977
- Seniman Indonesia
- Pelukis Indonesia
- Seniman Minangkabau
- Tokoh Minangkabau
- Tokoh dari Pariaman