Федерални окрузи во Русија
Русија се дели на 8 федерални окрузи (руски: федеральные округа), при што полуостровот Крим е сместен во Јужниот федерален округ.
Федералните окрузи се единици на административна поделба за целите на федералната влада. Тие не се составни единици на Руската Федерација. Составните единици на федерацијата се нарекуваат федерални субјекти.
Во секој округ се наоѓаат неколку федерални субјекти. Секој федерален округ има претседателски претставник, чија официјална титула е „Полномошен претставник“. Официјалната задача на овој претставник е едноставно да ја надгледува работата на федералните агенции во регионите, иако во практика овој надзор е далекусежен и од големо значење.
Список на федерални окрузи
[уреди | уреди извор]![]() | |||||
Име на округот[1] | Површина (км²)[2] |
Население (2002) |
Федерални субјекти |
Административен центар | |
---|---|---|---|---|---|
Централен | 650.200 | 38.438.600 | 18 | Москва | |
Јужен | 427.800 | 16.141.100 | 8 | Ростов на Дон | |
Северозападен | 1.687.000 | 13.583.800 | 11 | Санкт Петербург | |
Далекуисточен | 6.169.300 | 6.291.900 | 9 | Хабаровск | |
Сибирски | 5.145.000 | 19.254.300 | 12 | Новосибирск | |
Уралски | 1.818.500 | 12.082.700 | 6 | Екатеринбург | |
Приволшки | 1.037.000 | 29.900.400 | 14 | Нижни Новгород | |
Севернокавкаски | 170.400 | 9.496.800 | 7 | Пјатигорск |
Создавање на федералните окрузи
[уреди | уреди извор]Федералните окрузи ги создал Владимир Путин во мај 2000 како дел од пошироката програма за зајакнување на федералната власт. Во програма спаѓаат и следниве реформи: индиректен избор на Советот на Федерацијата, иследување во републиканските устави и регионалните повелби и право на претседателот да ги распушта праламентите на субјектите доколку тие не ги почитуваат федералните закони.
Улога и функции на федералните окрузи
[уреди | уреди извор]Полномошните претставници и нивниот пресонал установуваат во која мера субјектите отстапуваат од федералните закони и норми. Тие исто така го надгледуваат и процесот на исправка од близу, на начин на кои владата во Москва не може тоа да го изведе. Затоа тие играат клучна улога во централизацијата на власта и онезоможување на локалните манипулации чести за времето на Борис Елцин. Постоењето на федералните окрузи е значајно за ограничување на донесувањето на закони и практики кај субјектите кои му противречат на федералниот закон, како на пример, скратување на граѓанските права, авторитативни практики на управниците на субјектите (или кај републиките, нивните претседатели), манипулација со полицијата и контрола врз правосудството, строга контрола врз печатот и манипулирање со избори.
Полномошните претставници надгледуваат систем на ротација на федералните работници низ регионите за да се спречи нивната зависност од локалните водачи.
Федералните окрузи прецизно соодветствуваат на воените региони на Внатрешната војска, и во голема мера соодветствуваат на регионите на министерството за одбрана. Ова им овозможува на полномошните претставници директен пристап кон командната структура на воениот и безбедносниот апарат. Ова дава јасна порака на субјектите дека тиа мораат да соработуваат со федералната влада.
Наводи
[уреди | уреди извор]- ↑ „Russia: Federal Districts and Major Cities“. City Population. Посетено на 24 април 2016.
- ↑ „1.1. ОСНОВНЫЕ СОЦИАЛЬНО-ЭКОНОМИЧЕСКИЕ ПОКАЗАТЕЛИ в 2014 г.“ [MAIN SOCIOECONOMIC INDICATORS 2014]. Regions of Russia. Socioeconomic indicators - 2015 (руски). Russian Federal State Statistics Service. Архивирано од изворникот на 2018-09-26. Посетено на 26 јули 2016.