Така прават сите (опера)

Така прават сите Così fan tutte ossia La scuola degli amanti
Опера од Волфганг Амадеус Моцарт
Постер за првата изведба
Превод	Така прават сите
Либретист	Лоренцо Да Понте
Јазик	Италијански
Премиера	26 јануари 1790 (1790-01-26) Бургтеатер, Виена

Така прават сите — опера во два чина на Волфганг Амадеус Моцарт.

Содржина

По наговор на Дон Алфонсо, двајца млади војници, Ферандо и Гулиелмо, сакаат да ја проверат чесноста на своите свршеници, сестрите Фиордилиџи и Дорабела. Затоа, тие кажуваат дека ќе одат во војна, а потоа се маскираат и им се додворуваат на девојките. На почетокот, сестрите ги одбиваат додворувачите. Но, тогаш се вмешува младата шанкерка Деспина, која прифаќа да посредува меѓу војниците и сестрите и ги убедува нив да ја прифатат понудата. Во вториот обид да допрат до сестрите, војниците се претвораат дека испиле отров, а тогаш настапува Деспина, во улога на лекар. Таа ги наговорува девојките да помогнат во лечењето на војниците, терајќи ги да направат прељуба.

Тогаш, Дорабела го избира маскираниот Гулиелмо (кој е свршеник на нејзината сестра). Така, Дорабела и Гулиелмо поминуваат убава вечер, а тој успева да ја земе сликата на нејзиниот вереник, а на нејзиното место да стави срце, кое понатаму станува доказ за нејзиното неверство. Фиордилиџи го одбива Ферандо (свршеникот на Дорабела) и затоа, Дон Алфонсо инсистира на нова нивна средба. Фиордилиџи е решена да се одбрани од искушението и сака да оди во логорот кај својот сакан, но Ферандо е упорен, не само поради опкладата, туку и воден од желбата да му се одмазди на Гулиелмо, кој ја освоил неговата сакана.

Потоа, маскираните војници и девојките склучуваат брак. На самиот чин на склучувањето на бракот, воената музика го најавува враќањето на војската и тогаш се откриваат измамата и прељубата.