Фудбалска репрезентација на Република Виетнам (виетнамски: Đội tuyển bóng đá quốc gia Việt Nam Cộng hòa; француски: Équipe du Sud-Vietnam de Football) ― поранешна фудбалска репрезентација што ја претставувала Држава Виетнам и Јужен Виетнам помеѓу 1949 или 1954 и 1976 година. Репрезентација учествувала во првите две завршници на Азискиот куп (1956 и 1960 година), завршувајќи четврти и двата пати од 4 екипи.
Репрезентацијата престанала да постои кога северниот и јужниот регион се соединиле во Социјалистичка Република Виетнам. Не биле одиграни натпревари помеѓу 1976 и 1990 година и првиот турнир на кој комбинираниот тим играл, бил по 1991 година. Агенциите за фудбалски учиноци ги сметаат натпреварите во Јужен Виетнам како дел од учинокот на сите времиња на репрезентацијата на Виетнам, додека ја сметаат репрезентацијата на Северен Виетнам за посебна репрезентација за статистички цели.[1]
Единствената квалификациска кампања за Светското првенство во која влегол Јужен Виетнам било за Светското првенство 1974. Тие биле сместени во зоната А на квалификациите за АФК и ОФК во Сеул, Република Кореја. На 16 мај 1973 година тие го победиле Тајланд со 1-0 за да се квалификуваат во Групата 1. На 20 мај, Јужен Виетнам го загубил првиот натпревар со 0–4 од Јапонија, а четири дена подоцна загуби со 1–0 од Хонгконг и бил елиминиран. Хонгконг и Јапонија напреднале, но ниту еден не стигнал понатаму, губејќи го баражот за следната рунда од Република Кореја и Израел, редоследно.
1959: златни медали во ЈИАП игри во фудбал (сега ЈИА игри)
1 златен медал (1959), 2 сребрени медали (1967 и 1973) и 2 бронзени (1965 и 1971 година) во Спортската конгресна полуостровска Југоисточна Азија во фудбал (ЈИАП игри)
За репрезентации кои имале промена на името, но не и на границите погледнете тука За репрезентации кои што имале промена во границите, но не и на името погледнете тука