Bitcoin

Bitcoin (BTC) is en digitale Geldsoort, de över en dezentraalt Netwark vun Reeknermaskinen löppt. Dit Netwark maakt Betalen mööglich, ohne dat Banken oder annere Middelmänner dorbi bruukt warrt.^[1] Bitcoin weer 2008 vun en anonym Persoon oder Grupp, de sick Satoshi Nakamoto nennt, utdenkt un 2009 as Open-Source-Software rutgeven.^[2]

Funktchoon

Bitcoin steiht op en Technologie, de „Blockchain“ heet. Dit is en digitale Boekholt, in de alle Transakschoonen fasthoolen worrt. De Blockchain is in Blöck opdeelt, un elke Block hätt en Sätz vun Transakschoonen. Nee Blöck worrt dorbi dur Reekner in’t Netwark, de „Miners“, schapen, de komplekse mathematische Opgaven löösen mööt. Disse Prozeß heet „Mining“. As Belöhnung kriegt de Miners nee Bitcoins.

Eigenschaften

Dezentralität: Bitcoin worrt nich vun en Bank, Regeering oder Firma regelt. De Transakschoonen warrt vun en weltwiit Netwark vun Computern överprüft un bestätigt.
Begrenzte Mäng: De Totaalmäng vun Bitcoins is op 21 Millionen steed, wat verhindert, dat’t dor to veel wööd, un dat süht den Inflatschon vör.
Anonymität: Betalen mit Bitcoin sünd to en groot Deel anonym. De Transakschoonen sünd för alle in de Blockchain inkekenbar, aver dor worrt keen echte Naam bruukt, blots Bitcoin-Adressen.

Verbruuk

Bitcoins köönt för verscheden Oort vun Kopen bruukt warrn, vör allen in’t Internet. Eerst is Bitcoin veel vun Spekulanten un Nerds brukt worrn, aver nu interesseren sik ok mehr Firmen, Banken un Staatten för den Verbruuk vun Bitcoin un anner Kryptowährungen.

Kritik

Pries-Swankungen: De Weert vun Bitcoin hett över de Johren starke Swankungen, wat för Spekulanten interessant is, aver för normale Bruuker unsicher maakt.
Energieverbrauch: Dat „Mining“ vun Bitcoin bruukt heelveel Energie, wat oft kritisiert warrt, vör allen vun Umweltschutz-Seiten.
Kriminellt Verbruuk: Dat anonyme an Bitcoin maakt’t interessant för illegal Tücht, so as Swattmarkt-Handel oder Geldwittwäsch.^[3]

Weblenken

Bitcoin. Mehr Biller, Videos oder Audiodateien to’t Thema gifft dat bi Wikimedia Commons.

Enkelnawiesen

↑ What is Bitcoin? An eight-step guide to the cryptocurrency. In: BBC Bitesize. BBC, Juli 2020 (engelsch).
↑ Bitcoin-Gründer «Satoshi Nakamoto» weiter nicht bekannt. In: Welt. Afropen an’n 14. März 2024.
↑ Bitcoin: $1bn seized from Silk Road account by US government. In: BBC. 5. November 2020, afropen an’n 5. November 2020 (engelsch).

[1] What is Bitcoin? An eight-step guide to the cryptocurrency. In: BBC Bitesize. BBC, Juli 2020 (engelsch).

[2] Bitcoin-Gründer «Satoshi Nakamoto» weiter nicht bekannt. In: Welt. Afropen an’n 14. März 2024.

[3] Bitcoin: $1bn seized from Silk Road account by US government. In: BBC. 5. November 2020, afropen an’n 5. November 2020 (engelsch).

[1]

[2]

[3]