Lars Bohinen

Lars Bohinen
Statsborgarskap	Noreg
Fødd	8. september 1969 (54 år) Vadsø kommune
Idrett	fotball
Tok del i	VM i fotball 1994

Lars Roar Bohinen (fødd 8. september 1969 i Vadsø) er ein norsk fotballtrenar og -spelar har vore. Bohinen deltok åra 1989-99 i 49 landskampar for Noreg og skåra 10 landslagsmål. Han spelte i samtlege av Noreg sine kampar i fotball-VM i 1994. Bohinen var vekselvis midtbane- og vengspelar.

Klubbspel

Bohinen spelte seniorfotball for 11 ulike klubbar. I Noreg var han innom Bærum, Lyn, Vålerenga (to periodar), Viking og Lillestrøm. Han spelte også for ei rekke klubbar i utlandet – fyrst for sveitsiske Young Boys Bern, seinare for dei engelske klubbane Nottingham Forest, Blackburn og Derby, og til slutt i dei danske klubbane Lyngby FC (no Lyngby Boldklub) og Farum. Han avslutta karrieren i Vålerenga i 2003.

Landslagsspel

Bohinen fekk sin landslagsdebut som innbyttar 25. oktober 1989 i ein bortekamp mot Kuwait. Han vert særleg hugsa for skåringa som sikra Noreg sigeren 2-0 over England i ein VM-kvalifiseringskamp på Ullevål stadion 2. juni 1993. Under VM i fotball 1994 i USA tok Bohinen del i alle Noregs tre kampar, i den siste var han innbyttar. I 1995 valde han å boikotte privatlandskampen mot Frankrike i protest mot franske prøvesprengingane i Stillehavet. Etter 1996 fekk Bohinen berre 2 landskampar, og han fekk ikkje plass i troppa til VM i fotball 1998. Avskjeden med landslaget kom som innbyttar 27. mars 1999 i Aten, ein kamp som enda med norsk siger 2-0.

Merittar

• Tredjeplass i den engelske ligaen: 1995 med Blackburn Rovers

Klubbkampar

Klubb	Kampar*	Mål*	Periode
Bærum	2	0	1986
Lyn	20	3	1987
Vålerenga	33	5	1988-1989
Viking	10	0	1990
Young Boys	58	6	1990-1993
Lillestrøm (lån)	19	1	1993
Nottingham Forest	64	7	1993-1995
Blackburn	58	7	1995-1998
Derby	56	1	1998-2001
Lyngby	26	0	2001-2002
Farum	2	0	2002
Vålerenga	6	1	2003

* Berre seriekampar.

Bohinen har vore trenar for ei rad fotballag, sjeldan utan suksess. Han er fetter til Sigurd Rushfeldt.

Kjelder

• Denne artikkelen bygger på «Lars Bohinen» frå Wikipedia på engelsk, den 10. juli 2024.

• eu-football