André Bucher
André Bucher | |
Statsborgarskap | Sveits |
Fødd | 19. oktober 1976 (47 år) Neudorf |
Idrett | friidrett |
Tok del i | Sommar-OL 2004, Sommar-OL 2000, Sommar-OL 1996 |
Utmerkingar | Årets idrettsutøvar i Sveits |
André Bucher (fødd 19. oktober 1976) er ein sveitsisk tidlegare friidrettsutøvar frå Neudorf i Luzern som tevla på mellomdistansane. Hans største triumf var sigeren på 800 meter under VM 2001 i Edmonton. Same sesongen vann han ein del av hovudpremien i Golden League-turneringa. Også bestetida 1,42,55 presterte han i 2001-sesongen.
Aktiv
[endre | endre wikiteksten]Bucher deltok i Sommar-OL 1996 på spesialdistansen 800 meter, der han vart slått ut i semifinalane. Også i VM 1997 rauk han ut i semifinalane. I EM i friidrett 1998 i Budapest tok han seg greitt til finalen på 800 m, der han vann sølvmedaljen med sveitsisk rekordtid, 1.45,04, tyske Nils Schumann vann tevlinga. Nummer to på 800 m vart han også i unversiaden 1999, medan han i verdsmeisterskapen same året enno ein gong vart utslått i semfinalane.
Under dei olympiske sommarleikane 2000 vart André Bucher nummer fem i 800-finalen, i eit løp der han i siste sving vart mykje forstyrra av italienaren Andrea Longo, så mykje at italienaren vart diskvalifisert.
Bucher feira sin største triumf i 2001 då han vart verdsmeister på 800 m. Under meisterskapen i Edmonton var han heilt suveren, dei andre medaljevinnarane kom i mål kring ni tidels sekund bak. Vel ei veke etter VM-triumfen sprang han i Zürich i mål på rekordtida 1.42,55, sveitsisk rekord til denne dag (2015). Gjennom 2001-sesongen vann han fem av 800-meterløpa i Golden League-stemna og dermed ein del av hovudpremien. Til sist i sesongen sigra han i IAAF-finalen.
Frå 2002 vart Bucher meir og meir plaga av ulike slitasjeskadar. Han lukkast likevel kapre sølvmedaljen på 800 under EM i friidrett 2002 i München, eit reint lureløp som vart vunne av Wilson Kipketer som representerte Danmark. 2005-sesongen vart Buchers siste som toppidrettsutøvar.
Både 2001 og 2002 vart Bucher vald til årets idrettsutøvar i Sveits.
Medaljar og plasseringar i internasjonale meisterskap
[endre | endre wikiteksten]- OL 1996 i Atlanta: Utslått i semfinalane (1,46,41 =nr 11)
- VM 1999 i Aten: Utslått i semfinalane (1.46,88 =nr 14)
- EM 1998 i Budapest: Sølvmedalje – 1.45,04
- VM 1999 i Sevilla: Utslått i semfinalane (1.48,07 =nr 19)
- OL 2000 i Sydney: Nr 5 – 1.45,40
- VM 2001 i Edmonton: Gullmedalje – 1.43,70
- EM 2002 i München: Sølvmedalje – 1.47,43
- VM 2003 i Paris: Utslått i semfinalane (1.46,67 =nr 11)
- OL 2004 i Aten: Utslått i kvalifiseringa (1.47,34)
- VM 2005 i Helsingfors: Utslått i kvalifiseringa (1.47,97)
Kjelder
[endre | endre wikiteksten]- Denne artikkelen bygger på «André Bucher» frå Wikipedia på tysk, den 8. april 2015.
- Denne artikkelen bygger på «André Bucher» frå Wikipedia på engelsk, den 8. april 2015.
Bakgrunnsstoff
[endre | endre wikiteksten]- André Bucher ved IAAF.org
- Einskildmenn
- Fødde i 1976
- Mellomdistanseløparar
- Sveitsiske friidrettsutøvarar
- Sveitsiske deltakarar under sommar-OL 1996
- Friidrettsutøvarar under sommar-OL 1996
- Sveitsiske deltakarar under sommar-OL 2000
- Friidrettsutøvarar under sommar-OL 2000
- Sveitsiske deltakarar under sommar-OL 2004
- Friidrettsutøvarar under sommar-OL 2004