Andreas Nygaard
Andreas Nygaard | |
Statsborgarskap | Noreg |
Fødd | 7. november 1878 Kongsberg kommune |
Død |
5. september 1963 (84 år) |
Yrke | politikar |
Språk | norsk |
Politisk parti | Arbeidarpartiet |
Andreas Olsen Nygaard (7. november 1878–5. september 1963) var ein norsk industriarbeidar og politikar frå Kongsberg.
Far til Nygaard arbeidde på Kongsberg Sølvverk. Sjølv byrja han å arbeide på Kongsberg Våpenfabrikk då han var 16 år og i 1897 var han ein av to elevar i det fyrste kullet som fullførte Kongsberg tekniske kveldsskule. Etter mange års arbeid fekk han stilling som arbeidsformann på våpenfabrikken i 1921.
Nygaard hadde ei rekke verv i arbeidarrørsla og i det offentlege liv. Mellom anna var han styreformann ved Kongsberg kommunale sjukehus frå 1916 og Buskerud skolehjem frå 1940, samt for kinomatografstyret i Kongsberg 1919-29. Han var elles medlem i skulestyret i 6 år og bustadrådet i 3 år.
Tingbolken 1928-30 representerte han kjøpstadene Drammen, Hønefoss og Kongsberg på Stortinget, vald for Arbeidarpartiet. Han lukkast ikkje verte attvald til perioden 1931–33, men som 1. vararepresentant og møtte han ofte på Tinget i staden for representanten Torgeir Vraa. Nygaard kom innatt på Stortinget som fast representant frå 1934 og var tingmann til 1945. Alle åra hadde han sete i Skog- og vassdragskomitéen. Han var ordførar i Kongsberg kommune frå juli til desember 1945.
Kjelder
[endre | endre wikiteksten]- Stortingsbiografi Arkivert 2017-12-01 ved Wayback Machine.