Baquba
Baquba | |||
بعقوبة | |||
by | |||
Land | ![]() | ||
---|---|---|---|
Guvernement | Diyala | ||
Folketal | 467 900 (2003) | ||
![]() Baquba 33°44′41″N 44°38′37″E / 33.744722222222°N 44.643611111111°E | |||
Wikimedia Commons: Baqubah |
Baquba (arabisk بعقوبة, òg skrive Baqubah og Baqouba) er ein by og det administrative senteret i Diyala guvernement i Irak. Byen ligg kring 50 km nordaust for Bagdad ved elva Diyala. I 2003 hadde byen kring 470 000 innbyggjarar.
Baquba var ein stoppestad langs Silkevegen mellom Bagdad og Khorasan i mellomalderen. Under abbasidane var byen kjend for frukt- og daddelhagane sine, og fekk vatn frå Nahrawankanalen. Byen ligg langs hovudvegen og jernbaneruta mellom Bagdad og Iran og er eit senter for jordbrukshandel. I dag er byen kjend som det viktigaste området for appelsinproduksjon.
Historie
[endre | endre wikiteksten]Namnet på Baquba kjem frå dei arameiske orda «Bet» (hus) og «Yaqub» (Jakob) og tyder «huset til Jakob»[1] Byen vart nytta som ein flyktningleir for assyriske flyktningar under det assyriske folkemordet.[2] Flyktningleiren hadde mellom 40 000 og 50 000 flyktningar.[3]
Under den amerikansk-leia okkupasjonen av Irak i 2003 vart Baquba ein av stadane med tyngst geriljaaktivitet, i tillegg til dei sunnimuslimske enklavane i Fallujah og Ramadi. Dei hardaste kampane skjedde 24. juni 2004, leia av Abu Musab al-Zarqawi. Han mista livet i eit amerikansk luftåtak og påfølgjande raid nord for Baquba den 8. juni 2006.[4] Seint i 2006 var likevel Baquba og mykje av provinsen Diyala under kontrollen til opprørske sunniar.[5] I januar 2007 kidnappa opprørarane borgarmeisteren og sprengde kontoret hans.[6] Etter å ha hatt over 460 000 innbyggjarar, vart byen i februar 2007 rapportert å vere ein «spøkjelsesby» då innbyggjarane anten hadde flykta eller gøymde seg heim.[7]
10. august 2015 tok ei bilbombe nær Baquba livet av 30 menneske og skadde 40.
Galleri
[endre | endre wikiteksten]-
Irakiske soldatar inspiserer ei hestekjerre i Baquba.
-
Irakisk og amerikansk soldat i Baquba.
-
Amerikansk soldat patruljerer marknad i Baquba.
-
Amerikanske soldatar i Baquba.
Kjelder
[endre | endre wikiteksten]- Denne artikkelen bygger på «Baqubah» frå Wikipedia på engelsk, den 27. februar 2021.
- Wikipedia på engelsk oppgav desse kjeldene:
- ↑ John Pike. «Ba?qubah [Baqubah]». Henta 27. februar 2021.
- ↑ «Ba'qubah». Global Security. Arkivert frå originalen den 2. september 2009. Henta 27. februar 2021.
- ↑ Austin, H. H. (2006). The Baqubah Refugee Camp: An Account of Work on Behalf of the Persecuted assyriske kristne. Georgias Press. Henta 27. februar 2021.
- ↑ «BBC NEWS - Middle East - Zarqawi killed i Irak air raid». Henta 27. februar 2021.
- ↑ «Reporting under al-Qaida control». Arkivert frå originalen 19. januar 2016. Henta 27. februar 2021.
- ↑ «Archived copy». Arkivert frå originalen 8. juli 2008. Henta 1. mai 2010.
- ↑ «Lawlessness turns Baquba into ghost town». Henta 27. februar 2021.