Bob Hite
Bob Hite | |||
![]() Hite med Canned Heat, Hamburg i 1974 | |||
Fødd | 26. februar 1943 | ||
---|---|---|---|
Fødestad | Torrance, California i USA | ||
Død | 5. april 1981 (38 år) | ||
Dødsstad | Los Angeles i USA | ||
Alias | The Bear | ||
Opphav | USA | ||
Aktiv | 1965–1981 | ||
Sjanger | Blues, boogierock, bluesrock, elektrisk blues | ||
Instrument | Vokal, munnspel, fløyte, gitar | ||
Tilknytte artistar | Canned Heat | ||
Plateselskap | Capitol Records | ||
Verka som | Musikar, låtskrivar |
Robert Ernest Hite (26. februar 1943–5. april 1981) var ein amerikansk musikar som var frontmann og songar i bluesrockbandet Canned Heat frå 1965 til han døydde i 1981. Kallenamnet hans var «The Bear».
Biografi
[endre | endre wikiteksten]Hite vart introdusert for Alan Wilson av Henry Vestine og dei to fekk overtydd bluespianisten Sunnyland Slim (1906-1995) om å kome i studio med dei for å spele inn ei plate. I 1965, då han var 22, skipa Hite eit band med Wilson. Vestine følge med kort tid etter, og denne trioen danna kjernen av Canned Heat. Trioen fekk etter kvart med seg Larry Taylor på bass og Frank Cook på trommer.
Hite spelte med Canned Heat på Woodstockfestivalen i august 1969. Framføringane var ikkje med i den originale filmen Woodstock frå 1970, men er med i «Director's Cut»-utgåva frå 1994.
Canned Heat var i november 1969 med i ein episode av Playboy After Dark. Hite vart invitert til ein samtale med Hugh Hefner etter framføringa, i lag med andre gjester som Sonny and Cher, Vic Damone, Dick Shawn og Larry Storch. Ei 20 år gammal Lindsay Wagner, som var ein av festdeltakarane til Hefner, sat på fanget til Hite og spelte ein festleik. I samtalen fortalte Hite at han hadde over 15 000 singelplater i samlinga si.[1]
Han produserte John Lee Hooker- og Canned Heat-albumet Hooker 'N Heat (1971).
Død
[endre | endre wikiteksten]Den 5. april 1981 under ein pause på ein konsert på The Palomino Club i North Hollywood, fekk Hite noko dop av ein fan. Han trudde det var kokain og sniffa det, men det viste seg å vere heroin. Hite vart blå og kollapsa. Han vart køyrt til ein heim i nærleiken der han døydde.[2]
Kjelder
[endre | endre wikiteksten]- Denne artikkelen bygger på «Bob Hite» frå Wikipedia på engelsk, den 26. august 2018.
- Wikipedia på engelsk oppgav desse kjeldene:
- ↑ «Playboy After Dark - Season 2, Episode 4: Sonny & Cher; Vic Damone; Canned Heat; Larry Storch; Dick Shawn». TV.com. 22. juli 2006. Arkivert frå originalen 3. februar 2011. Henta 26. august 2018.
- ↑ Kulczyk, David. (2009). Death In California – The Bizarre, Freakish, and Just Curious Ways People Die in the Golden State. Craven Street Books. P128 ISBN 978-1-884995-57-6
Bakgrunnsstoff
[endre | endre wikiteksten]- Bob Hite ved The Internet Movie Database (IMDb)
- Bob Hite på Find a Grave