Ernst Baasland
Ernst Baasland | |
![]() | |
Statsborgarskap | Noreg |
Fødd | 3. april 1945 (79 år) Kristiansand kommune |
Yrke | prest, teolog, universitetslærar |
Språk | norsk, tysk, engelsk |
Verv | Biskop i Stavanger |
Periode | 1998-2009 |
Føregangar | Bjørn Bue |
Etterfylgjar | Erling Pettersen |
Religion | Den evangelisk-lutherske kyrkja |
Ernst Baasland på Commons |
Ernst Oddvar Baasland (fødd 3. april 1945) er ein norsk teolog som frå 1998 til 2009 var biskop i bispedømet Stavanger i den norske kyrkja.
Baasland er fødd i Kristiansand. Han tok teologisk utdanning frå Misjonsskolen (noverande Misjonshøgskolen) i Stavanger og Menighetsfakultetet i Oslo, og vart cand.theol. i 1970. Etter eitt år som feltprest i Bodø kom han tilbake til Menighetsfakultetet der han var stipendiat frå 1972 til 1975. Han hadde under arbeidet med doktorgraden sin og etterpå ulike undervisningsstillingar ved Menighetsfakultetet, og han vart professor i det nye testamentet i 1984. Denne stillinga hadde han fram til han i 1998 vart utnemnd til biskop i Stavanger. I 2009 gjekk han av som biskop i samband med ein personleg konkurs knytt til eine sonen.[1]
Kjelder
[endre | endre wikiteksten]- Fotnotar
- ↑ «– Vanskelig å være biskop under konkursbehandling» Arkivert 2009-08-22 ved Wayback Machine. i Vårt Land