Eurovision Song Contest 1991
Eurovision Song Contest 1991 | ||||
---|---|---|---|---|
Dato | ||||
Finalen | 4. mai 1991 | |||
Vertskap | ||||
|
||||
|
||||
|
||||
Varigskap | ||||
Opningsnummer | ||||
Pausenummer | ||||
Finalen | Arturo Brachetti | |||
Bidrag | ||||
|
||||
|
||||
|
||||
Kart | ||||
ESC 1991 Map.svg | ||||
██ Land som deltok i tevlinga
██ Land som ikkje deltok i tevlinga | ||||
Røysting | ||||
Eurovision Song Contest | ||||
|
Eurovision Song Contest 1991 (ESC 1991) var den 36. gongen Eurovision Song Contest vart arrangert. Tevlinga vart halden i Studio 15 de Cinecittà i Roma i Italia. Finalen fann stad laurdag 4. mai 1991. Sverige vann tevlinga med songen «Fångad av en stormvind», framført av Carola.
Grunna Golfkrigen og indre uro i Jugoslavia, bestemte RAI kort tid før tevlinga at arrangementet skulle flyttast frå Sanremo i Nordvest-Italia til Roma, for tryggleiken skuld.
Nederland deltok ikkje som fylgje av at 4. mai var minnedag for dei som fall under den andre verdskrigen. Etter at Vest-Tyskland vart sameint på nytt med Aust-Tyskland, som aldri har delteke, 3. oktober 1990, endra landet namn til Tyskland.
Problem med tevlinga
[endre | endre wikiteksten]På grunn av flyttinga, såg det ut som RAI ikkje var heilt klar for showet. Roma hadde dels vorte overfløymd av regn før tevlinga, noko som skapte ytterlegare problem. Programleiarane prata italiensk gjennom heile tevlinga, noko som gjorde det vanskeleg for resten av Europa å fylgje med på kva som hende. Toto Cutugno hadde fleire gonger vanskar med å uttala både songtitlar og namn på artistar og låtskrivarar. Dei vart òg skulda for å prøve å ta så mykje av showet som mogleg, mellom anna med å ikkje la publikum klappe klårt under heile tevlinga. Toto Cutugno lét heller ikkje representanten som skulle gratulere Carola då ho hadde vunne, prate tydeleg.
Orkesteret var ikkje alltid på plass til rett tid, og fleire artistar klaga på at det var lite å drikka og ingenting å eta under røystinga. Det oppstod òg tekniske problem med å kontakta dei ulike landa om røysteresultat.
Då Carola skulle opptre, forsvann lyden delvis under andre verset av «Fångad av en stormvind». Ein kunne berre høyra blåseinstrument og trommer i nokre sekund fordi ein sikring hadde gått. Carola heldt fram likevel. Sjølv om Sverige til slutt fekk like mange poeng som Frankrike sitt bidrag, «C'est le dernier qui a parlé qui a raison» av Amina, vann Sverige ved den tida sitt regelverk om røystelikskap. Båe landa fekk 146 poeng.
Oppteljing
[endre | endre wikiteksten]Reglane ved røystelikskap på den tida bestod i å telja kor mange poeng landet hadde fått i dei ulike valørane. Dersom eit land hadde fleire tolvarar enn enn eit anna, ville det vinne. Ved like mange tolvarar, ville landet med flest tiarar vinne, osb. Då Sverige og Frankrike hadde like mange tolvarar, vann Sverige fordi dei hadde fleire tiarar enn Frankrike.
Dette vart dimed fyrste og førebels siste gong ein har måtta ta i bruk reglane som avgjer kven som vinn ved like mange røyster. Då fire land vann med same poengsum i 1969 var det ikkje innført nokon reglar for dette, og alle fire landa vart utropt som vinnarar.
Med dagens regelverk ved røystelikskap ville Frankrike ha vunne fordi det hadde fått røyster frå fleire ulike land enn Sverige. Etter desse reglane ville Frankrike òg ha vunne i 1969, då det var eitt av dei fire vinnarlanda.
Finalen
[endre | endre wikiteksten]Finalen vart halden 4. mai 1991 i Studio 15 de Cinecittà i Roma, etter å ha vorte flytta frå Sanremo. Sverige vann tevlinga for tredje gong. Irland og Storbritannia enda på ein delt tiandeplass.
Røystegjeving
[endre | endre wikiteksten]Tavla er ordna etter røysterekkefølgja i finalen.[1]
12 poeng
[endre | endre wikiteksten]Kvart land gav 12 poeng til sin favoritt. Under er ei oversikt over alle 12-poenga som vart tildelt under avrøystinga.
Antall | Mottakerland | 12 poeng fra |
---|---|---|
4 | ![]() |
Austerrike, Israel, Italia, Noreg |
![]() |
Danmark, Island, Storbritannia, Tyskland | |
3 | ![]() |
Jugoslavia, Spania, Tyrkia |
![]() |
Frankrike, Hellas, Malta | |
2 | ![]() |
Finland, Portugal |
![]() |
Irland, Sverige | |
![]() |
Kypros, Sveits | |
![]() |
Belgia, Luxembourg |
Artistar som har delteke tidlegare
[endre | endre wikiteksten]Artist | Land | Tidlegare år |
---|---|---|
Thomas Forstner | ![]() |
1989 |
Stefán Hilmarsson (med Eyfi) | ![]() |
1988 (del av Beathoven) |
Eiríkur Hauksson (del av Just 4 Fun) | ![]() |
1986 (del av ICY for ![]() |
Hanne Krogh (del av Just 4 Fun) | ![]() |
1971 og 1985 (del av Bobbysocks, vinnar) |
Carola | ![]() |
1983 |
Referansar
[endre | endre wikiteksten]- ↑ «Eurovision Song Contest 1991 – Scoreboard». eurovision.tv. Henta 14. august 2017.
Kjelder
[endre | endre wikiteksten]- Denne artikkelen bygger på «ESC 1991» frå Wikipedia på bokmål, «ESC 1991» frå Wikipedia på engelsk og VG.no, den 11. april 2011.