Margrethe Renstrøm
| Margrethe Renstrøm | |
| Statsborgarskap | Noreg |
| Fødd | 21. mars 1985 (39 år) Søgne |
| Idrett | friidrett |
| Tok del i | Sommar-OL 2012 |
Margrethe Renstrøm (fødd 21. mars 1985) er ein norsk friidrettsutøvar som hoppar lengde for idrettsklubben Tjalve. Margrethe Renstrøm er opphavleg frå Søgne, men bur i Oslo og er utdanna fysioterapeut frå Høgskolen i Oslo. Ho hoppa for Søgne Idrettslag før ho gjekk over til IK Tjalve i 2005.
Renstrøm har noregsrekorden i lengdehopp med 6,68 meter, sett i Barcelona under EM i friidrett 2010. Ho slo då sin eigen rekord på 6,64 frå Noregsmeisterskapen i 2009, der ho igjen utraderte den 41 år gamle norske rekorden til Berit Berthelsen på 6,56 meter frå Bislett Stadion den 10. september 1968.
Under EM i friidrett 2012 i Helsingfors tok ho bronsemedalje med resultatet 6,67, 14 cm bak vinnaren Éloyse Lesueur.[1] Renstrøm skulle også delta i Sommar-OL 2012 i London,[2] men på grunn av ein skade i høgrefoten måtte ho trekkja seg berre minutt før lengdekvalifiseringa skulle ta til.[3]
Kjelder
[endre | endre wikiteksten]- Denne artikkelen bygger på «Margrethe Renstrøm» frå Wikipedia på bokmål, den 21. juli 2012.