HK MP7
Lo HK MP7 es un pistolet mitralhaire desvolopat en 2001 per la companhiá alemanda Heckler & Koch dins lo quadre d'un programa destinat a produrre una arma intermediària entre un pistolet mitralhaire tradicionau e un fusiu d'assaut. Aquò a menat a la creacion d'una arma leugiera (1,54 kg), corta (415 o 638 mm segon l'utilizacion de la cròssa), eficaça a 200 m amb una cadéncia de tir de 915 còps/mn e utilizant una municion novèla (4,6 × 30 mm) capabla de pertusar una proteccion individuala. De cargaires de 20, 30 o 40 cartochas son disponibles. Per limitar la talha de l'arma, son plaçats dins la ponhada.
En 2001, l'arma foguèt comparada amb lo P90 per l'OTAN que concluguèt a una superiotat de l'arma bèlga. Dins aquò, lo MP7 foguèt adoptat per lei fòrças especialas d'un trentenau de país.