Miles Davis
|
Miles Davis
Miles Dewey Davis III | |
|---|---|
| |
| Naissença | 26 de mai de 1926 a Alton, Illinois |
| Decès | 28 de setembre de 1991 a Nòva York, Nòva York |
| País d’origina |  Estats Units
|
| Profession(s) | musician |
| Genre(s) | jazz |
| Annadas activas | 1944 - 1975, 1980 - 1991 |
Miles Dewey Davis III, conegut coma Miles Davis (1926 - 1991) foguèt un musician american de jazz, un dels musicians pus influents e innovadors del sègle XX. Trompetista, compositor e cap de banda, Davis foguèt a primièra linha de gaireben totas las evolucions que faguèt lo jazz après la Segonda Guèrra Mondiala.
Un luòc en l'istòria del jazz
[modificar | Modificar lo còdi]Toquèt en qualques unas de las importantas primièras gravaduras de bebop e ne faguèt las primièras de cool jazz. Foguèt parcialament responsable de l'evolucion del "modal jazz" e lo "jazz-fusion" sorgiguèt del trabalh que faguèt amb autres musicians als darrièrs 60 e primièrs 70. Lo "free-jazz" foguèt l'unic estil d'après la Segonda Guèrra Mondiala qu'influiguèt pas de manièra significativa. Malgrat que qualqu'uns dels musicians de las siás bandas seguiguèron aquel estil.
Las siás gravaduras, amassa amb las accions en dirècte de las siás fòrça influents bandas, foguèron vitalas en l'acceptacion del jazz coma musica amb una granda valora artistica. Popularizador a l'encòp qu'innovador, Davis venguèt famós mercés a lo sieu estil languid e melodic e, al meteis temps, per la siá personalitat conflictiva. En tant que musician cada còp melhor pagat e vestit a la mòda, Davis foguèt tanben un simbòl del potencial comercial del jazz.
