Arboç

Arbutus unedo
arboç

Arboc amb sos fruches

Classificacion
Règne	Plantae
Sosrègne	Tracheobionta
Division	Magnoliophyta
Classa	Magnoliopsida
Sosclassa	Dilleniidae
Òrdre	Ericales
Familha	Ericaceae
Genre	Arbutus

Nom binominal

Arbutus unedo
L., 1753

Òrdre Ericales Familha Ericaceae

L'arboç (en latin: Arbutus unedo) (var. arbocier, darbocier, ledonèir) es un arbust de la familha Ericaceae que buta principalament per las regions mediterranèas mas es present tanben en Irlanda.

Descripcion

Es un arbre perennifoli que pòt mesurar fins a quinze mètres, encara qu'atenga dificilament aquela nautor. Lo tronc es roginós e escarcanhat, cort, amb de copa espessa e redonda. Las fuelhas, d'un peciol cort, son grandas, verdas, de vegadas pus claras al revèrs, lanceoladas, d'entre 5 e 10 cm de long e 5 cm de larg, amb lo bròc ressegat, lisas, brilhantas e sense pels. Las flors son entre blancas e blavas de 1 a 1,5 cm, e fan de paniculas que penjan. Son fruch es apelat arboça, e fa aperaquí 4 cm de diamètre, entre auriòl e roge intens, segon sa maduracion. Sa superfícia es formada per de pichonas particulas aplanadas. Las semenças, dispausadas al centre del fruch, son pichonas e de color negra. Se'n trai la famosa licor d'arboça.