Batalha de Teutoborg
La batalha de Teutoborg, tanben dicha batalha de Teutberg o batalha de la Forèst de Teutoborg, (en alemand : Schlacht im Teutoburger Wald, Hermannsschlacht, o Varusschlacht, en italian : Disfatta di Varo, en latin : Clades Variana pel istorians romans antics), es lo nom donat a un afrontament que se debanèt dins la seuva de Teutobourg, en Alemanha actuala, durant lo mes de setembre de l'an 9 apr. JC. entre l'armada romana menada per lo governador de Germania Publius Quinctilius Varus e una aliança de pòbles germanics dirigits per Arminius. Arminius aviá obtengut la ciutadenetat romana e recebut una formacion militara romana que li permetèt d'enganar metodicament lo comandant roman e d'anticipar lei responsas tacticas de l'armada romana. S'acabèt per una victòria germanica e l'anientament quasi complèt de tres legions romanas. En consequéncia, lei Romans abandonèron la província de Germania que foguèt pas annexada a l'Empèri.