Erwin Schrödinger
Erwin Schrödinger
Erwin Rudolf Josef Alexander Schrödinger | |
---|---|
![]() | |
Naissença | 12 d'agost de 1887 Viena, Àustria-Ongria |
Decès | 4 de genièr de 1961 Viena, Àustria |
País d'origina | ![]() |
Nacionalitat | |
Profession | Fisician |
Ocupacion | |
Luòc de trabalh | |
Distincions | Prèmi Nobel de Fisica en 1933 |
Erwin Rudolf Josef Alexander Schrödinger (1887 - 1961) foguèt un fisician austrian. Recebèt lo Prèmi Nobel de Fisica en 1933, per sas òbras subre la mecanica quantica relativista: aplicacion de la mecanica ondulatòria a l'electron, trabalhs de mecanica ondulatòria, e l'eqüacion d'onda.
Biografia
[modificar | Modificar lo còdi]Nasquèt lo 12 d'agost de 1887 a Erdberg, uèi lo jorn una banlèga de Viena, filh de Rudolf Schrödinger, botanista e fabricant de sudaris, e de Georgine Emilia Brenda, filha del professor de quimia Alexander Bauer. Lo paire èra catolic mentre que la maire èra luteriana. En 1898 comencèt d'estudis al Akademisches Gymnasium de Viena, e los contunhèt entre 1906 e 1910 als costats de Franz Serafin Exner (1849 - 1926) e Friedrich Hasenöhrl (1874 - 1915). En 1910 obtenguèt lo sieu doctorat en fisica teorica a l'Universitat de Viena.
En 1914 obtenguèt una abilitacion, participarà après a la Primièra Guèrra Mondiala coma oficièr d'artilheriá amb divèrsas fòrças austrianas. Lo 6 d'abril de 1920 Schrödinger se maridèt amb Annemarie Bertel. Lo meteis an venguèt l'assistent de Max Wien e en setembre venguèt professor associat (Ausserordentlicher Professor) de fisica a l'Universitat de Stuttgart, en 1921 serà professor titular (Ordentlicher Professor) a Wrocław. En 1922 mudèt a l'Universitat de Zuric, al departament de fisica teorica ont faguèt la coneissença d'Albert Einstein e Max von Laue.