Promotor (genetica)
![]() | |||
Genetica | |||
General flow: ADN > ARN > Proteïna | |||
Transfers especials (ARN > ARN, ARN > ADN, Proteïna > Proteïna) | |||
Còde genetic | |||
Transcripcion | |||
Transcripcion (Factor de transcripcion, ARN polimerasa, promotor) | |||
Modificacion pòstranscripcionala (ARNhn, splicing) | |||
Traduccion | |||
Traduccion (Ribosòma,ARNt) | |||
Modificacion pòstraduccionala (grops foncionals, peptids, cambis estructurals) | |||
Regulacion genica | |||
Regulacion epigenetica (Hox, Genomic imprinting) | |||
Regulacion transcripcionala | |||
Regulacion pòstranscripcionala (sequestracion, Epissatge alternatiu, ARNmi) | |||
Regulacion pòstraduccionala (reversibla, irreversibla) |
Lo promotor d'un gèn es la seccion d'ADN que contròtla l'iniciacion de la transcripcion del ARN coma produch d'aqueste gèn. La dicha seccion, es a dire, lo promotor, se compausa d'una sequéncia especifica d'ADN localizat just onte se tròba lo ponch d'inici de la transcripcion de l'ARN e conten l'informacion necessària per activar o desactivar lo gèn que codifica. Lo promotor es present tant dins los procariòtas coma dins los eucariòtas.
Dins los procariòtas
[modificar | Modificar lo còdi]Lo promotor es la sequéncia que soslinha lo començament de la transcripcion de l'ADN en ARN, e es per aiçò lo luòc de fixacion de l'ARN polimerasa. Lo promotor se tròba dins una de las doas cadenas de l'ADN, e l'orientacion e posicion del promotor dictarà quina de las doas elices del ADN servirà coma matritz.
Fòrça promotors an besonh de proteïnas activadoras abans que se pòscan jónher eficaçament a sa polimerasa respectiva. Aquesta proteïna activadora se plaça generalament sus l'ADN, vesin del promotor. Una de las proteïnas activadoras pus comunas entre los procariòtas es l'operon lac del bactèri E. coli.
Generalament, la fixacion de l'ARN polimerasa amb lo promotor es çò que facilita que l'eliç d'ADN se dobrisca per permetre la transcripcion en ARN.
Dins los eucariòtas
[modificar | Modificar lo còdi]A diferéncia dels procariòtas, qu'an sonque una polimerasa, los eucariòtas an tres ARN polimerasa distintas. Per tal motiu, caduna de las polimerasas tend a reconéisser de sequéncias de promotors especifics. Egalament, los procèsses de regulacion son mai complèxes qu'en los procariòtas en inclusent la posicion de las sequéncias reguladoras de l'ADN en çò que pertòca los promotors. Los promotors an de sequéncias de nucleotids definidas, ont las pus conegudas son la caissa TATAAT e la caissa TTGACA. Los promotors se localizan en los extrèms 5'-terminals dels gèns. L'ARN polimerasa se jonh a las sequéncias de diches promotors en iniciant lo procès de la transcripcion. La sequéncia minimala amb capacitat promotora de la transcripcion recep lo nom de promotor minimal.