Sosmarin nuclear lançaire d'engenhs
(Redirigit dempuèi SNLE)
Un sosmarin nuclear lançaire d'engenhs (ò SNLE) es un sosmarin militar desvolopat dins lo corrent deis ans 1950 e aparegut dins leis ans 1960. Es un sosmarin de talha granda equipat d'una propulsion nucleara, d'un armament antinaviri (torpilhas e de còps missils antinaviris) e de missils mar-sòu balistics estrategics. Sa còca es realizada per li donar una discrecion maximala. Sa mission principala es d'assegurar la dissuasion nucleara, especialament la garantida d'una repòsta, en causa de la dificultat de lo localizar.