Uber
| Parti di | gig economy, S&P 500  |
|---|---|
| Aktivo den sektor di | information technology, peer-to-peer ridesharing |
| Fecha di fundashon òf kreashon | mart 2009 |
| Fundadó òf kreadó | Garrett Camp, Travis Kalanick |
| Chief executive officer | Dara Khosrowshahi |
| Pais | Estadonan Uni di Merka |
| Miembro di | Linux Foundation, Internet Association, Computer & Communications Industry Association |
| Legal form | privately held company, public company |
| Lugá di formashon | San Francisco |
| Propietario | Morgan Stanley |
| Filial | deCarta |
| Sede | San Francisco |
| Bolsa di balor | New York Stock Exchange |
| Evento notabel | Uber 2014 data breach, Uber 2017 data breach |
| Distribuí pa | App Store, Google Play |
| Side effect | network congestion, pollution, financial risk, income inequality |
| Producuci of brinda servicio | Uber Eats, Uber Movement, Uber Fleet, Uber rideshare service |
| Desaroyadó | Uber |
| Plataforma | IOS |
| Distribushon | digital download |
| Wèpsait ofisial | https://www.uber.com/ |
| Describi pa URL | https://developer.uber.com/ |
| Polisa di privacidad | https://privacy.uber.com/policy |
| Complies with | Uber privacy policy |
Uber, oficialmente Uber Technologies, Inc., ta un proveedor di servicionan di transporte Mericano cu operacionnan den mas di 70 pais y 10.500 ciudad rond mundo. Su sede principal ta na San Francisco, California. E ta ofrece entre otro servicio di transporte comparti di pasahero (ridesharing, tipo taxi), servicio di mensahero, entrega di cuminda (Uber Eats y Postmates), entrega di pakete, transporte di karga, huurmento di bicicleta electrico y scooter motorisa (a traves di un asociacion cu Lime).[1]
E ta e compania di ridesharing mas grandi rond mundo cu mas ku 150 miyon usuario activo mensualmente y 6 miyon chauffeur y mensahero activo. E ta facilita un promedio di 28 miyon biahe pa dia y for di su inicio na 2010 a facilita 47 biyon biahe.[2] Uber no ta doño di ningun vehiculo, en cambio, e ta djis cobra un comision pa cada reservacion cu sali for di su plataforma. Na 2023 e tarifa di comision tabata 28.7% pa servicio di mobilidad y 18.3% pa entrega di cuminda.[2] Ta cobra clientenan adelanta, utilisando un modelo di prijs dinamico basa riba oferta y demanda local na momento di e reservacion.
Historia
[editá | editá fuente]Garrett Camp y Travis Kalanick a funda Uber na luna di maart 2009 na San Francisco. Na juni 2010, habitantenan di e ciudad aki por a uza e servicionan ofreci pa prome biaha, e tempo ey tabata solamente un servicio di limousine yama UberBlack.[3] Despues, a introduci servicionan manera UberX (autonan no-luhoso), UberTaxi (taxi cu permiso), UberSUV (autonan grandi), UberLux (autonan luhoso) y UberPop (chauffeurnan sin permiso), tur siguiendo e mesun principio: clientenan por haña y reservá un auto via e app, despues di cua e biahe ta wordo paga via tarheta di credito y clientenan por duna nan chauffeur un evaluacion.
.jpg)
Na juli 2012, e servicio a bira disponibel na London.[4] Na december di e mesun aña, Uber a cuminsa na Amsterdam,[5] despues Rotterdam y Den Haag a sigui.[6] Na 2013 el a cuminsa na Colombia como e dos pais den Latino America y na november 2015 na Santo Domingo. Na februari 2018, Uber y e compania ruso Yandex a cuminsa nan servicio conhunto na Rusia y algun pais rond di dje.[7] Dia 10 di mei 2019, e accionnan di Uber a haya anotacion riba New York Stock Exchange, e bolsa di New York.[8] E mercado a balora e compania na alrededor di US$80 biyon. E prijs di lansamento tabata US$45 pa accion.
Uber actualmente tin competencia den practicamente tur pais caminda e ta opera. InDriver ta activo na Latino America, Africa, India y den surwest di Asia. Cabify na Spaña y Latino America, Beat and Easy Taxi na Latino America, Lyft na Merca y Didi Chuxing na China y algun luga na Latino America manera Chile.[9] Didi Chuxing tabata un competencia asina fuerte na China cu Uber a dicidi di uni Uber China cu Didi Chuxing na augustus 2016 a cambio di 20% di Didi Chuxing, cabando cu competencia na China.[10][11]