Interes general
- E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.
| Supkategoria di | goal, Interest  |
|---|
E interes general (latin: bonum commune; hulandes: algemeen belang; ingles: common good) ta loke ta util, deseabel of necesario pa e bienestar di e pueblo den su totalidad. Aunke no ta facil pa defini, e termino ta sinembargo indispensabel den e discurso social y politico denter di un democracia. E sigur no ta indica kiko e pueblo – si nan mester a vota riba varios asunto, por ehempel – aparentemente kier. Lo contrario ta e interes individual.
Un bon indicacion di kiko e interes general ta encera ta bini di e estadista liberal Johan Rudolph Thorbecke den su discurso na final di su discursonan parlamentario (1869). Thorbecke a bisa: ‘Si e unico pregunta ta kiko e pueblo of e mayoria kier, e ora ey e pregunta di kiko ta corecto, berdad bon y factibel ta disparce.’ E interes general pues den principio no ta relaciona cu loke un mayoria kier, ni cu e deseonan di, por ehempel, un organo atministrativo, sino mas bien cu e principionan basico di e estado constitucional democratico, cu tambe ta tene cuenta cu e interesnan di minoria y individuonan. Na Hulanda su base fundamental ta sinta awor den articulo 1 di e constitucion Hulandes: e trato igual di personanan door di e organonan administrativo competente.
E interes general ta haña prioridad riba e interes individual, loke, por ehempel, ta haci posibel expropiacion door di gobierno (aunke pa un compensacion rasonabel).
Referensia
|