Leona Marlin-Romeo
| Leona M. Marlin-Romeo | ||
|---|---|---|
| ||
| Di 5 promé minister di Sint Maarten | ||
| Termino di oficina 15 di yanüari 2018–10 di òktober 2019 | ||
| Monarkia | Willem-Alexander | |
| Antecesor | Rafael Boasman | |
| Sucesor | Wycliffe Smith | |
| Informacion personal | ||
| Nacemento | 3 di yüli 1973 Sint Maarten | |
| Informacion profecional | ||
| Ofishi | politiko | |
| Partido politico | United Democrats | |
Imagennan riba  Wikimedia Commons
| ||
| [Edita Wikidata] · [Manual] | ||
Leona Marlin-Romeo (☆ 3 di yüli 1973 na Sint Maarten)[1] ta un politico di Sint Maarten. E tabata promé minister di Sint Maarten di 15 di yanüari 2018 te 10 di òktober 2019, enkabesando dos gabinete konsekutivo ku sosten di su partido United Democrats.[2][3] Entre 2014 i 2016 e tabata miembro di Parlamento di Sint Maarten.[4]
Biografia
[editá | editá fuente]Leona Romeo a nase dia 3 di yüli 1973 komo yu di Marius Romeo i Marilyn Thomas. Komo mucha, Marlin-Romeo tabata bai e Sentro Agógiko Metodista (MAC) na Sint Maarten. El a bai brevemente St. Maarten Academy promé ku el a trasladá pa Oak Hill Academy na Virginia. El a gradua di Universidat di Adelphi na 1995 ku un bachelor den siensia polítiko i un menor den franses. El a kontinua su estudio na Universidat di Amsterdam unda el a gradua ku un master den Relashonnan Internashonal. Na 2005, Marlin-Romeo a regresá Sint Maarten, i a kuminsá traha komo e hefe di e Departamentu di Registro Sivil.[5][6]
Marlin-Romeo ta kasá ku Richard Marlin i huntu nan tin dos yu.
Politika
[editá | editá fuente]Marlin-Romeo a partisipa den elekshon pa Parlamento di Sint Maarten na aña 2010 riba lista di NA, na 2014 riba lista di USP, na 2016 riba lista di UP i na 2018 riba lista di UD.[5]
E promé gabinete Marlin-Romeo tabata un gabinete interino despues di kaida di gobiernu di William Marlin i ku tabatin e tarea pa dirigí e pais te na elekshon na febrüari 2018 i formashon di un gobièrnu nobo. E formashon di e gabinete aki a tarda komo Franklin Meyers, e promé formadó i kandidato pa promé minister, no a pasa e screening pa minister. P’esei a disidí pa nombra Marlin-Romero, kandidato pa minister di Hustisia, komo promé minister.[7] El a huramentá dia 15 di yanüari 2018.
Despues di e elekshon i formashon di un gobièrnu nobo, Marlin-Romeo a bolbe bira promé minister dia 25 di yüni 2018. Despues di negosiashonnan difísil, el a yega na un akuerdo ku Hulanda i Banko Mundial riba un programa di rekuperashon pa e daño kousa pa orkan Irma. Pero un punto di kontenshon a keda e drechamentu di Aeropuerto Internashonal Prinses Juliana, ku Hulanda solamente kier a finansia si e haña influensia den e maneho di e aeropuerto. E aresto di lider di partido UD, Theo Heyliger, a hasi e relashonnan mas tenso ainda. Algun miembro di e frakshonnan ku tabata sostené e gobièrnu a bula kurá pa oposishon, di manera ku Marlin-Romeo a pèrdè su sosten di mayoria. E di dos gabinete Marlin-Romeo a kai dia 22 di sèptèmber 2019.[8]
· 
· 
