Martinique

E artíkulo aki ta skirbí na papiamentu. Lo ta apresiá si por mantené e artíkulo aki na estilo di papiamentu.

Martinique
Informashon básiko
Kapital	Fort-de-France
Establesimento di soberania 21 di mart 1946
Geografia
Área	1.128,0 kilometer kuadra
Koordinatonan	14°39′0″N 61°0′54″W
Demografia
Populashon	360.749 (1 yanüari 2021)
Densidat	319.8 hab/km²
Otro infromashon
Tel.	+596
Mapa detaya di Martinique
[Editá Wikidata] · [Manual]

Martinique (na franses: Martinique, den boka di e pueblo krioyo Matnik) ta un isla den laman Karibe i un departamentu ultramar franses, un asina yamá département d'outre-mer (DOM). E ta keda 700 kilometer suit-west di Republika Dominikano, suit di Dominica i panort di Sint Lucia i ta forma parti di archipielago di e Antia Menor. Sifranan di promé di yanüari 2007 ta mustra ku Martinique entretantu tin 401.000 habitante. E kapital di Martinique ta Fort-de-France. Departamentu Martinique huntu ku Departamentu Guadeloupe ta forma Antia Franses. Dominica i Sint Lucia antes tambe tabata franses pero despues a bira ingles. Martinique ta parti den kuater distrikto: Fort-de-France, Marin, Saint-Pierre i La Trinité.

Geografia

E superfisie total di Martinique ta 1102 km². E isla ta aproximadamente 60 km largu di nortwest pa suitoost. E ta masomenos mesun largura ku Kòrsou pero mas hanchu. E punta di mas haltu ta Mont Pelée ku 1397 meter.

Historia

Den kuminsamentu tabata biba Arowak na Martinique ku tabata yama Madinina. Madinina ta nifika isla di flor. Den boka di pueblo: Madiana, "iles des fleurs". E nomber ta papia pa su mes ta un isla tur na flor. E Arowaknan a biba aki mas ku 2000 aña. Despues a bin e indjannan Karib.

Bataya di Martinique na 1779 entre Fransia i Gran Britania

Na aña 1502, 15 di yüni, Cristóbal Colón a deskubri Martinique i na aña 1635 fransesnan a kolonisá Martinique. E promé siudat tabata Saint-Pierre.

Den kurso di tempu tabatin hopi bataya entre Francia i Inglatera pa e isla pero na final Francia a keda ku e isla. Na 1902, 8 di mei, tabatin un gran erupshon di e volkan Mont Pelée ku a mata no menos ku 30.000 hende.

Demografia

Évolution de la démographie entre 1961 et 2003 (chiffre de la FAO, 2005). Population en milliers d'habitants.

Évolushon di e demografia entre 1961 i 2003 (sifranan di FAO, 2005). Poblashon den miles di habitante. Finalmente na 2007 Martinique tabata konta 401.000 persona.

E gran mayoria 90% di e poblashon ta desende di Afrika of ta un meskla di afrikano-oropeo i hindu. Esakinan ta esnan asina yama Creoles, o Krioyonan. Un minoria di 5% ta di origen oropeo. Hopi di nan ta di Fransia. Esnan asina yamá Békés. E sobra 5% ta konsisti di hindu, chines i hendenan di Medio Oriente.

Siudatnan

E siudatnan prinsipal di Martinique ta: Fort de France (95000 hab), Le Lamentin (40 000 hab), Le Robert (25 000 hab), Schoelcher, Sainte-Marie, i le François.

Boske tropikal den bisindario di St-Denis

Aki un lista di 34 munisipio di Martinique:

Sentro

• Fort-de-France (préfecture)
• Saint-Joseph
• Le Lamentin
• Schœlcher
• Nord atlantique
• Grand'Rivière
• Macouba
• Basse-Pointe
• Le Lorrain
• Marigot
• Sainte-Marie
• La Trinité (sous-préfecture)
• Le Robert
• Le Gros-Morne
• Ajoupa-Bouillon
• Nord caraïbe
• Le Morne-Rouge
• Le Prêcheur
• Saint-Pierre (sous-préfecture)
• Le Carbet
• Bellefontaine
• Case-Pilote
• Fonds-Saint-Denis
• Le Morne-Vert

Suit

• Rivière-Salée
• Les Anses d'Arlet
• Le Diamant
• Sainte-Luce
• Le Marin (sous-préfecture)
• Sainte-Anne
• Les Trois-Îlets
• Le François
• Le Vauclin
• Ducos
• Rivière-Pilote
• Saint-Esprit