Consan
![]() |
Vos an lenga piemontèisa |
Për amprende a dovré 'l sistema dle parlà locaj ch'a varda sì. |
Consan (Conzano an italian) a l'é un comun dël Piemont ëd 965 abitant [1], ant la provinsa ëd Lissandria. Ël pais a resta ai màrgin orientaj dle colin-e dël Bass Monfrà, 14 km a sud ëd Casal Monfrà. Stòria[modìfica | modifiché la sorgiss]![]() Dël 1413 Consan a l'é devastà da l’armà 'd Fransesch Sfòrsa e ant ël sécol sucessiv da le armà spagneule. Ij Monfrà (prima ij Paleòlogh, dal 1536 a ij duca Gonsaga 'd Màntoa) a anfeodo 'l pais a vàire sgnor: ij Bòvio 'd Casal, ij Bilion ëd Teraneuva, ij Mòss ëd Moran e anfin ij Vidua 'd Casal. Dël 1708, an séguit a la Guèra 'd Sucession Ëspagneula e al sucessiv Tratà d'Utrecht, ël pais a passa ansema a tut ël Monfrà al Ducà 'd Savòja 'd Vitòrio Medeo II, che pì tard a dventa Regn ëd Sardëgna. Ël vèj impiant medieval dël castel dël borgh an sima a la colin-a a l'é an ruin-a e a ven armane già për diventé prima 'n convent fransescan, peui a la fin dël Setsent na vila nobiliar për la nòbil famija dij cont Vidua, dont ël pì arnomà a l'é lë studios e esplorator Carlo Vidua. D'apress a l'época dla dominassion fransèisa ëd Napoleon Bon-a-part, dël 1814 a torna ant ël Regn ëd Sardëgna e a l'é aministrà sota a la Division (peui Provinsa) ëd Lissandria, a la Provinsa (peui Sircondari) ëd Casal e al Mandament d'Aussimian. Da la fin ëd l'Eutsent, ij gran cambiament ëd la sossietà a l'ha portà le campagne a vnì pì pòvre e a spopolesse viaman; coste tère a l'han vist tanti emigrant lassé 'l pais për serché fortun-a lontan, an particular tanti a son andà an Australia, andoa ch'a j'era na granda arcesta 'd lavorator për ël taj dla cana da sùcher. L'arcòrd ëd l'emigrassion an Australia a l'é bin viv ancora ancheuj e a-i son sovens manifestassion d'amicissia e gemelagi. Aministrassion[modìfica | modifiché la sorgiss]Ël sìndich a l'é Emanuele Demaria (dal 27/05/2019, dagià sìndich dal 1995 al 1999 e dal 2009 al 2014). Sità gemelà[modìfica | modifiché la sorgiss]Consan a l'é gemelà con: Anliure esterne[modìfica | modifiché la sorgiss]Arferiment[modìfica | modifiché la sorgiss]
![]() |