سٹیلر سمندری عقاب
سٹیلر سمندریعقاب | |
![]() | |
دیس : | جنور |
برادری : | کورڈیٹ |
ٹولی : | پنچھی |
ٹبر: | الاں |
سائینسی ناں: | Haliaeetus pelagicus |
![]() | |
سٹیلر سمندری عقاب دی پھرن تھاں |
سٹیلر سمندری عقاب الاں ٹبر دا اک وڈا سمندری عقاب اے۔ اے اتلے چڑدے ایشیاء دے ساحلاں کول وسدا اے تے مچھلیاں تے پانی پنچھیاں دا شکار کردا اے۔ اے جگ دے سب توں وڈے عقاباں چوں اک اے، ایدا وزن 5 توں 9 کلوگرام تک ہوندا اے۔ ایدا ناں جرمن نیچر گرو جارج ولہیلم سٹیلر دے ناں تہ رکھیا گيا اے۔
وکھالا
[سودھو]سٹیلر سمندری عقاب سمندری عقاباں دے جنس (جیون پڑھت) دا سب توں وڈا عقاب اے تے جگ دے سب توں وڈے شکاری پنچھیاں چوں اک اے۔ مادہ عقاباں دا وزن 6 کلوگرام توں ساڑے 9 کلوگرام تک ہوندا اے تے نر عقاباں دا وزن تھوڑا کٹ ہوندا اے: 4.9 کلوگرام توں 6.8 کلوگرام۔ ایناں عقاباں دا اوسط وزن کھان پین تے موسم دے نال وددا کٹدا ریندا اے مگر عام طور تہ ایناں دا وزن 8 کلوگرام توں تھوڑا کٹ ہوندا اے۔ اس حساب نال ایہ عقاب ہارپی عقاب توں 500 گرام وزنی تے فلپائن عقاب توں 1 کلوگرام وزنی ہوندے نیں۔ مادہ عقاب 3 فٹ 3 انچ تک لمے ہوندے نیں جدوں کہ نر عقاب 2 فٹ 11 انچ تک ہوندے نیں۔ ایناں دے پر عقاباں وچ سب توں وڈے ہوندے نیں جیڑے تقریبا 7 فٹ تک ہوندے نیں۔