Вікіпедія:Діскусна сторінка
Діскусна сторінка є шпеціална сторінка Вікіпедії, обсягуюча діскусію о обсягу належаючой статї. Про перегляд діскусной сторінкы кликните на одказ діскусія коло краю образовкы. Кедь сьте на сторінцї діскусії, кликнутём на статя ся вернете назад на головну статю.
Даколи ся траплять сітуації, у котрых можуть сполупрацуючі авторы дашто здобыти на тім, же о статї будуть діскутовати – праві прото быв створеный простор назв про діскусії.
На што ся хоснує діскусія?
[едітовати жрідло]На Вікіпедії ся діскусны сторінкы хоснують про вылїпшіня обсягу статей з енціклопедічного погляду. Можуть ся на них уміщовати вопросы, вызвы, текст вылученый з головной статї (напр. про свою хаотічность ці предвзятость), арґументації оглядом змін у текстї, або позначкы ку тексту. Діскусна сторінка служыть про найджіня непредвзятого погляду, про найджіня згоды і релевантности інформацій ітд.
Обще але діскусны сторінкы не служать лем ку общім дебатам о даній темі. Вікіпедія не є чат, є то енціклопедія. Іншыма словами, діскутуйте о статї, не о їй темі.
Очівісно, же вікіпедісты суть лем люде, также ся час од часу у діскусії зъявить острїша дішкурка — і обчас докінце веде і ку вылїпшіню статї! Та же самособов існує даяка меджа толеранції.
Про што діскусны сторінкы не служать
[едітовати жрідло]Діскусны сторінкы (ани далшы сторінкы наприклад у просторї назв Вікіпедії) не є простор про партійны діскусії, т.є. публікованя субєктівных назорів на дану тему. Вікіпедія не є діскусне форум ани пропаґандістічна платформа, але енціклопедія. Іншыма словами, повідайте собі о статї і о їй спрацованю, ниґда о ёго темі. Же берете того ці іншого політіка як одсуджінягодного або маєте в облюбі даякого маляря ці дїло, никого не інтересує. Смоть тыж: Вікіпедія:Вікіетікета.
Діскусна сторінка не є склад детайлів, котры ся до статї „не войдуть“. Покы суть даякы інформації правдивы і релевантны, належать до статї, кедь такыма не суть, не є довод їх уміщовати до діскусії. Но і так мож даяку спорну (в даній формї неакцептовательну, напр. про екстремный погляд) часть тексту дочасно одстранити у дати їх до діскусії, абы могла зачати дебата о їх вылїпшіню і запрацованю належаючіх інформацій до статї в приятельній подобі. (Треба але зважыти, ці одказ на порівнаваня учіненой зміны не є лїпшов алтернатівов копірованя тексту.)
Діскусны сторінкы хоснователїв
[едітовати жрідло]І ваша хосновательска сторінка має діскусну сторінку, котра має навысше дакотры шпеціалны можности. По перше, на верьху сторінкы маєте біля свого імена прямый одказ на свою діскусну сторінку. Кедь дахто вашу сторінку діскусії змінить, на зачатку каждой сторінкы, котру собі будете перезерати, буде зображеный текст Маєте новы повідомлїня.
Тоты діскусны сторінкы можуть быти обчас хоснованы про особну комунікацію меджі вікіпедістами, але треба собі усвідомлити, же тоты сторінкы суть публічны. Кедь хочете комуніковати пріватно, хоснуйте імейл (смоть поміч:Імейлы хоснователям).
Кедь хочете дашто написати до діскусной сторінкы даякого хоснователя, кликните на одказ діскусія коли перезерате особну сторінку хоснователя (на яку ся дістанете кликнутём на імя хоснователя). На Сторінцї послїднїх змін і у списку вашых слїдованых сторінок ся можете дістати на діскусну сторінку хоснователя лем кликнутём на одказ (Діскусія) за іменом хоснователя ці IP адресов.
Штандарты і конвенції у діскусіях
[едітовати жрідло]На діскусный сторінках платить пару конвенцій. Не йде о стріктны „правила“, але суть хосновны про высшу чітательность і хосновательность діскузій.
Підписуйте свої приспівкы: Підпишете ся так, же до тексту вложыте три тілды (~~~), котры будуть по уложіню нагороджены вашым хосновательскым іменом, припадно IP адресов у неприголошеных. Кедь вложыте штири тілды (~~~~), будуть нагороджены вашым хосновательскым іменом і часом вашого едітованя. (У векшынї перезерачів можете підпис вложыти і кликнутём на іконку підпису над окном едітованя.) Не забудьте, же тото платить лем про діскусны сторінкы; енціклопедічны статї ся не підписують!
Робте одсекы про выяснїня ходу діскусії: При одсеку ся тримайте штруктуры дерева. Кажда реакція має одсек о єдно векшый як приспевок, на котрый реаґує. З дерева і по вашім приспевку мусить быти ясне, хто на кого одповідав і хто на даный приспевок реаґовав скорше ці пізнїше. Одсекы ся роблать двоточков (:), ниґда одсек не одсувайте лем простором!