Бадаева Марфа Сергеевна
Марфа Сергеевна Бадаева — улууска эрэ буолбакка, республикаҕа биллэр хомусчут-импровизатор, ити аатын 1988 сыллаахха ылбыта. Оhуохайы этээччи, тойуксут, алгысчыт, уус-уран самодеятельность кыттыылааҕа. Кини саха фольклорун хас да көрүӊүн пропагандалаабыта, кэлэр кэнчээри ыччакка үтүө холобур буолар. Кини кыра сааhыттан хомуска оонньуура, эдэр эрдэҕиттэн куоракка ыытыллар араас тэрээhиннэргэ көхтөөхтүк кыттара, араас күрэстэр кыайыылаахтара.
Марфа Сергеевна балаҕан ыйын 10 күнүгэр 1921 сыллаахха Уотту нэhилиэгэр Бүлүү улууһугар төрөөбүтэ.
Аҕата Сергей Константинович Бадаев мас, тимир ууhа, ийэтэ Ирина Егоровна иистэнньэҥ, хомусчут эбит.
Бадаевтар түөрт оҕолоохторо, саамай улаханнара Бүөтүр диэн уол 13 саастааҕар өлбүт, кини кэнниттэн балтылара Өлөксөөндөрө уонна Кэтэриинэ.
Уоттуттан 8 көстөөх Бэс Көлүйэ диэн сиргэ үөрэнэ киирбит. Ийэтэ ыалдьар буолан уонна аҕата эрдэ өлөн оскуолаҕа салҕыы үөрэммэтэҕэ, 13 саастааҕар Бүлүү куоратыгар киирэр. Кини эдэр сааhыттан араас үлэҕэ эриллэн үлэлээбитэ. Сүрдээх сытыы-хотуу эбит. Пенсияҕа тахсыар диэри улахан киhи санаториятыгар үлэлээбитэ.
Кини ситиһиилэрэ:
- 1988 сыллаахха – I Бүтүн Союзтааҕы (варган) хомус конференциятыгар дьиэ кэргэн хомуhу тардыыга ансаамблынан, кыыhынаан, күтүөтүнээн, сиэннэринээн кыттан, дипломан урдук аатын ылбыттара.
- 1991 сыллаахха – Дьокуускай куорат II Аан дойдутааҕы хомус (варган) конгреhыгар кыттыыны ылбыта.
- 1994 сыллаахха – Дьокуускай куорат дьиэ кэргэн күрэһигэр фольклор араас көрүннэригэр кыттан I миэстэни ылбыттара.
![]() |
Бу туһунан сиппэтэх ыстатыйа. Көннөрөн уонна эбэн биэрэн Бикипиэдьийэҕэ көмөлөһүөххүн сөп. |