„ომის ერთადერთი პარტია მოსკოვშია. ეს არის პარტია, რომელიც თავს დაესხა საქართველოს 2008 წელს. ეს არის პარტია, რომელიც თავს დაესხა უკრაინას 2014 წელს და ამჟამად აწარმოებს ომს უკრაინის სუვერენიტეტისა და ტერიტორიული მთლიანობის წინააღმდეგ. ჩვენი, მათი, ვინც თავისუფლებას აფასებს, ვალია, ვებრძოლოთ ამ პარტიას და მოვიგოთ ეს ომი“, - განაცხადა ლიეტუვის საგარეო საქმეთა მინისტრმა გაბრიელიუს ლანდსბერგისმა „გლობალური ომის პარტიის“ შესახებ ნარატივზე, რომელიც თითქოს საქართველოს ომში ჩაბმას ცდილობს.
ახალი ამბები
მკითხველის რჩეული
- 1 უკრაინაში კიდევ ერთი ქართველი მებრძოლი, პანკისელი სერგო გორნაკაშვილი დაიღუპა
- 2 რატომ დატოვა აქტივისტმა ნატა ფერაძემ საქართველო
- 3 „ქართული ოცნების“ დეპუტატი აღიარებს, რომ სიძულვილისა და ძალადობის კამპანიის ორგანიზატორია
- 4 მოსამართლემ გორში დაკავებული აქტივისტის საქმეზე ყველა საგამოძიებო მოქმედება უკანონოდ ცნო
- 5 ჩვენს აქციებზე იყო დაახლოებით ხუთჯერ მეტი გამოსული - კობახიძე
- 6 ჯაშუშობის მუხლით უნდა გასამართლდეს ყველა, ვინც კანონის მიღებას აპროტესტებს - მაჭარაშვილი
„გლობალური ომის პარტიის“ შესახებ ნარატივზე, რომელსაც „ქართული ოცნება“ ხშირად იყენებს, კომენტარი გააკეთა ესტონეთის საგარეო საქმეთა მინისტრმა მარგუს ცაჰკნამაც.
„ხუმრობა არ არის, ვინაიდან, სერიოზული რამეა და კრემლის ნარატივია. კრემლის ნარატივია და აქ ამაზე დებატებიც კი ისეთი რამეა, რისი გაკეთებაც არ გვსურს, ვინაიდან, ეს ყალბი ნარატივია, ყალბი და მცდარი მიმართულებაა.
არსებობს ევროკავშირში გაწევრიანების დიდი სურვილი, არსებობს იგივე ღირებულებების გაზიარების დიდი სურვილი და ამ სამყაროში კრემლის ნარატივების ადგილი არ არის“, - თქვა ცაჰკნამ.
14 მაისს, ევროპისა და ევრაზიის საკითხებში აშშ-ის სახელმწიფო მდივნის თანაშემწე ჯიმ ო'ბრაიენთან შეხვედრის შესახებ პრემიერ-მინისტრმა ირაკლი კობახიძემ მთავრობის ადმინისტრაციაში გამართულ პრესკონფერენციაზე კვლავ ახსენა „გლობალური ომის პარტია“, თუმცა აღნიშნა, რომ დახურულ შეხვედრაზეც კი სახიფათოა ამ თემის განხილვა. კობახიძის თქმით, ო' ბრაიენს მხოლოდ ინფორმაციის 30% გაუზიარა.
„ჩვენ ამ თემაზე [„გლობალური ომის პარტიაზე“] იცით, რომ გახსნილად ვერ ვსაუბრობთ. საქმე ეხება ძალიან, ძალიან უხერხულ საკითხს და საკმაოდ სახიფათო საკითხს. სახიფათო ხალხთან გვაქვს საქმე „გლობალური ომის პარტიის“ სახით“, - თქვა საქართველოს პრემიერ-მინისტრმა.
ჯიმ ო'ბრაიენი „გლობალური ომის პარტიაზე“ მმართველი პარტიის ლიდერების განცხადებას შეთქმულების თეორიას უკავშირებს.
„რაც შეეხება გლობალური ომის პარტიის კონსპირაციის თეორიებს და იმას, თითქოს გლობალური ომის პარტიას სურს „ქართული ოცნება“ აღარ იყოს ხელისუფლებაში მათი 12-წლიანი მმართველობის შემდეგ, ჩემი აზრით, ესაა ძალიან არარეალისტური, არასწორი გაგება საერთაშორისო საზოგადოების ერთგულებისა საქართველოს მიმართ“, - უთხრა აშშ-ის სახელმწიფო მდივნის თანაშემწემ ჟურნალისტებს.
29 აპრილს, რუსული კანონის მხარდასაჭერად „ქართული ოცნების“ ორგანიზებით გამართულ აქციაზე „გლობალური ომის პარტია“ არაერთხელ ახსენა ბიძინა ივანიშვილმა.