اتحادي فوجن جو يورپ ۾ مُک فوجي مرڪز

اتحادي فوجن جو يورپ ۾ مُک فوجي مرڪز (Supreme Headquarters Allied Powers in Europe, SHAPE) نيٽو معاهدي جي فوجن جو مرڪز بيلجيم جي شھر ”مونر“ جي علائقي ”ڪاستيا“ ۾ 1951ع کان قائم آهي ۽ يورپي مُلڪن ۾ فوجي سرگرمين تي نظر رکي ٿو. پر تازو 2003ع ۾ ان اداري کي سڄي دُنيا ۾ نيٽو فوجن جي آپريشن جو مرڪز بڻايو ويو آهي. آمريڪي فوجن جو ڪو بہ سينئر چئن تارن وارو جنرل هن اداري جو ڪمانڊنگ آفيسر يا سربراھ سڏائبو آهي. اداري جو پھريون سربراھ ۽ بانيڪار جنرل آئزن هاور هو.