Suomâ liputtempeivi
Suomâ liputtempeivi teikkâ Suomâ lippupeivi lii peivi, kuás Suomâ lippu kiässoo stáágun. Suomâ liputtempeeivih juáhhojeh virgálâš já vuáhádum liputtempeivijd. Ivveest láá tääl 7 virgálâš já 13 vuáhádum liputtempeivid.[1] Suomâst sehe virgáliih já vuáhádum liputtempeeivih merkkejuvvojeh almenááhkán táválávt nuuvt, ete peivimere paaldâst lii smavvâ kove Suomâ liipust.
Virgáliih liputtempeeivih Suomâ lippuin[mute | mute käldee]
Virgálâš liputtempeeivijn lii asâttum Suomâ lippuin liiputmist adelum asâttâs (383/1978) 2 §:st.[2] Suomâst láá tääl jyehi ive 7 virgálâš liputtempeivid, kuás Suomâ lippu kiässoo stáágun[1]:
- kuovâmáánu 28. peeivi: Kalevalapeivi ađai syemmilij kulttuurpeivi
- vyesimáánu 1. peeivi: válbur
- vyesimáánu nubbe pasepeivi: enijpeivi
- kesimáánu 4. peeivi: Suomâ piäluštâsvuoimij lippujuhle ađai Suomâ marsalk C.G.E. Mannerheim šoddâmpeivi
- kesimáánu 20. já 26. peeivij koskâsâš lávurdâh: jonsahpeivi
- skammâmáánu nubbe pasepeivi: eejipeivi
- juovlâmáánu 6. peeivi: Suomâ jiečânâsvuođâpeivi
Tai lasseen motomin láá meid laseliputtempeeivih[1]:
- peeivi, kuás Suomâ täsivääldi president algâttij virgeest.
- peeivi, kuás Suomâst toimâttuvvojeh presidentvaaljah, ovdâskoddevaaljah, kieldâvaaljah, europarlamentvaaljah teikkâ raavâadeleijee aalmugjienâstem
Vuáhádum liputtempeeivih[mute | mute käldee]
Vuáhádum liputtempeeivih iä asâttuu laavâst teikkâ asâttâsâst, mut täin peeivijn liputtem kuittâg avžuuttuvvoo. Helsig ollâopâttâh paijeentuálá listo tággáár liputtempeeivijn já almostit tom jyehi ive Suomâ staatâkalenderist. Suomâ sisašijministeriö lii ravvim, ete "pyeri liputtemkulttuur mield kannat vuáhádum liputtempeeivijn liputtiđ Suomâ lippuin siämmáánáál ko virgálijn liputtempeeivijn".[1]
Ivveest láá tääl 13 vuáhádum liputtempeivid:
- kuovâmáánu 5. peeivi: Runeberg peivi
- njuhčâmáánu 19. peeivi: täsiáárvu peivi ađai Minna Canth -peivi
- cuáŋuimáánu 9. peeivi: suomâkielâ peivi ađai Mikael Agricola -peivi
- cuáŋuimáánu 27. peeivi: aalmuglâš veteraanpeivi
- vyesimáánu 9. peeivi: Euroop-peivi
- vyesimáánu 12. peeivi: syemmilâšvuođâ peivi ađai J. V. Snellman -peivi
- vyesimáánu kuálmád pasepeivi: suáđist viirrâm ulmui muštopeivi
- syeinimáánu 6. peeivi: tiivtâ já keesi peivi ađai Eino Leino -peivi
- roovvâdmáánu 10. peeivi: syemmilii kirjálâšvuođâ peivi ađai Aleksis Kivi -peivi
- roovvâdmáánu 24. peeivi: Ovtâstum aalmugij peivi
- skammâmáánu 6. peeivi: ruátálâšvuođâ peivi ađai Kustaa Adolf -peivi
- skammâmáánu 20. peeivi: párnáá vuoigâdvuođâi peivi
- juovlâmáánu 8. peeivi: syemmilii muusik peivi ađai Jean Sibelius -peivi
Njuhčâmáánu 19. peeivi 2021 Suomâ sisašijministeriö almottij, et ive 2023 rääjist ivveest láá kyehti vuáhádum liputtempeeivi lase.[3]
Škovlâlijd[mute | mute käldee]
Käldeeh[mute | mute käldee]
- ↑ 1,0 1,1 1,2 1,3 Liputuspäivät ja ajat. Suomâ sisašijministeriö. Čujottum 6.12.2020 (suomâkielân)
- ↑ Asetus liputuksesta Suomen lipulla: Finlex. Čujottum 6.12.2020 (suomâkielân)
- ↑ Suomen luonnon päivä ja Miina Sillanpään ja kansalaisvaikuttamisen päivä liputuspäiviksi kalenteriin vuonna 2023. Suomâ sisašijministeriö. 19.3.2021 Čujottum 19.3.2021 (suomâkielân)