Margot Honecker var ein tysk politikar, som var utdanningsminister i DDR frå 1963 til 1989.
Ho vart medlem av kommunistpartiet KPD i 1945. I 1950 vart ho vald til DDRs parlament Volkskammer. I 1953 gifta ho seg med Erich Honecker, som var statssjef i DDR frå 1976 til 1989. Ho trakk seg som utdanningsminister som følgje av dei store demonstrasjonane hausten 1989, som førte til oppløysinga av DDR og slutten på den kalde krigen.
I 1991 flykta ho og ektefellen Erich Honecker til Moskva for å unngå straffeforfølging. Frå 1992 og fram til sin død i 2016 levde Margot Honecker eit tilbaketrekt liv i Santiago, Chile.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.