Snartemo er ein stasjon på Sørlandsbanen. Stasjonen ligg i Hægebostad kommune i Agder fylke.
Vest for stasjonen er Kvinesheitunnelen (9064 meter), som er både ein av dei lengste jernbanetunnelane og den lengste rette jernbanestrekninga i Noreg. Aust for stasjonen går Hægebostadtunnelen, som òg er blant dei lengste jernbanetunnelane i landet (8474 meter). Mellom dei to tunnelane går jernbanen på ei 800 meter lang og cirka fem meter høg fylling av massar frå tunnelane. Fylkesveg 63 går gjennom Snartemo.
På stasjonen er eit minnesmerke over dei 24 som mista livet ved ulukker under jernbaneanlegget i 1934–1944.
Snartemo er kjent for verdifulle gravfunn frå folkevandringstida (Snartemofunna). Det er ein bautapark rundt funna ved Snartemo stasjon. Der er og eit stort monument som visar Snartemosverdet.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.