Sidan starten av 2000-talet har SD hatt ein sterk vekst i talet på medlemmer, veljarar og folkevalde. Partiet har henta veljarar frå dei tradisjonelle styringspartia Socialdemokraterna og Moderaterna, og blant folk som ikkje har røysta tidlegare.
Partiet fekk dei første kommunestyrerepresentantane sine i 1994. Ved riksdagsvalet i 2006 fekk partiet 2,9 prosent av stemmene og vart ved lokalvalet representert i 144 kommunar. I 2010 fekk partiet 5,7 prosent av stemmene, braut dermed sperregrensa på 4 prosent og kom inn i Riksdagen med 20 mandat. Partiet er frå 2010 representert i 246 av dei 290 kommunestyra i landet og i 15 av 20 landsting. SD har størst oppslutning i dei sørlege delane av Sverige, særleg i Skåne.
I 2014 gjorde partiet eit brakval. Dei fekk 12,9 prosent av stemmene og vart dermed Sveriges tredje største parti. Det vart òg tredje største parti i 2018 med 17,5 prosent av stemmene, men framgangen var ikkje så sterk som mange hadde spådd på førehand. Ved Europaparlamentsvalet i 2014 fekk partiet valt inn to representantar.
Ved valet 2022 vart Sverigedemokraterna Sveriges nest største parti med 20,5 prosent av stemmene, og partiet bidrog til den borgarlege valsigeren.
Kommentarar (2)
skreiv Ingrid Herud
svarte Ida Scott
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.