Ainu er eit nær utdøytt språk i Japan. Det er eit såkalla språkleg isolat, det vil seie eit språk som ikkje har eit påvist slektskap med noko anna språk.
I 1996 blei ainu snakka av om lag 15 menneske i Japan. Det er svært uklart kor stor den etniske gruppa er, sjå ainu (folkegruppe). Tala varierer frå 15 000 til 200 000 i Japan. I tillegg skal det vere om lag 1500 på Kurilane og Sakhalin i Russland. Ingen av dei som framleis meistrar ainu, snakkar språket til dagleg.
Ainu har ingen formell status i Japan eller andre stader, og har aldri hatt det.
Ordet på ainu for ein person som høyrer til den etniske gruppa, er aynu, som òg tyder ‘menneske’. Språket blir kalla aynu itak, eigentleg ‘menneskespråk’. Øya Hokkaido blir kalla Aynu mosir ‘ainu-land’, og Japan blir kalla Sisam mosir ‘japanar-land’
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.