8 Maret
Pidangan
|
8 Maret nyaéta poé ka-67 dina sataun (ka-68 dina taun kabisat) dina kalénder Gregorian, sésana 298 poé.
Kajadian
[édit | édit sumber]- 1010 – Ferdowsi, sastrawan Parsi, ngaréngsékeun puisi epikna, Shahnameh.
- 1262 – Patempuran Hausbergen antara milisia borjuis jeung pasukan wiku lumangsung di Strasbourg, Perancis.
- 1576 – Pangjajah Spanyol, Diego García de Palacio, munggaran manggihan ruruntuhan kota Maya kuno di Copán.
- 1618 – Johannes Kepler nimu hukum katilu tina gerakan planét.
- 1658 – Perjangjian Roskilde: Sabada burakrakan dina Patempuran Kalér (1655–1661), Frederick III, Raja Dénmark-Norwégia kapaksa pikeun nyérénkeun satengah wilayahna ka Swédia pikeun nyalametkeun sésana.
- 1722 – Karajaan Safawi Iran kasoran ku tentara Afghanistan dina Patempuran Gulnabad.
- 1736 – Nader Shah, nu ngadegkeun Dinasti Asfariah, diistrénan jadi syah Iran.
- 1775 – Saurang pangarang anonim, nu pada nyangka minangka Thomas Paine, medalkeun "Perbudakan Urang Afrika di Amérika", artikel munggaran di koloni Amérika nu ngagero kana émansipasi hamba sahaya jeung panglarangan perbudakan.
- 1782 – Pangbantéyan Gnadenhutten: Salapan puluh genep urang pribumi Amérika di Gnadenhutten, Ohio, nu geus arasup Karisten, ditelasan ku milisi Pennsylvania dina raraga males kana serangan nu dilakukeun ku urang Indian ti suku lianna.
- 1801 – Perang Koalisi Kadua: Dina Patempuran Abukir, pasukan Inggris pingpinan Sir Ralph Abercromby ngadarat di Mesir pikeun mungkas kampanye militer Perancsi di Mesir jeung Syria.
- 1817 – Bursa saham New York diadegkeun.
- 1862 – Perang Sodara Amérika: Patempuran Sagara Hampton Roads dimimitian.
- 1868 – Insidén Sakai: Samurai Jepang nelasan 11 urang palaut Perancis di Palabuan Sakai, Osaka.
- 1876 – Kaésar Yohannes IV ti Éthiopia sacara mutlak ngéléhkeun pasukan Ismail Pasya ti Mesir dina Patempuran Gura.
- 1910 – Raymonde de Laroche jadi awéwé munggaran nu narima lisénsi pilot.
- 1920 – Karajaan Arab Syria, hiji nagara Arab modérn nu munggaran, diadegkeun.
- 1921 – PM Spanyol Eduardo Dato Iradier ditelasan nalika kaluar ti gedong parlemén di Madrid.
- 1924 – Musibah tambang batu bara, nelas 172 panamang di deukeut Castle Gate, Utah.
- 1936 – Daytona Beach jeung Road Course ngalumangsungkeun balap mobil sirkuit oval nu munggaran.
- 1937 – Perang Sodara Spanyol: Patempuran Guadalajara dimimitian.
- 1942 – Perang Dunia II: Angkatan Perang Jepang ngaultimatum Gupernur Jéndral Hindia Walanda Jonkheer Tjarda van Starkenborgh Stachouwer jeung Komandan KNIL Létnan Jéndral Hein Ter Poorten, pikeun nyerah tanpa syarat.
- 1942 – Pasukan Angkatan Perang Jepang ngarebut Rangoon, Burma, ti Inggris.
- 1947 – Tilu ratus rébu prajurit Républik Tionghoa narepi ka Taiwan sabada insidén 28 Pébruari sarta ngalakukeun panindesan nu nelasan rébuan jalma, kaasup sababaraha urang élit pulitik. Hal ieu jadi kasang tukang pikeun pagerakan kamerdékaan Taiwan.
- 1949 – Présidén Perancis Vincent Auriol sarta manten raja Annam, Bảo Đại, néken Kasapukan Élysée, méré Viétnam kamerdékaan nu leuwih gedé ti Perancis sarta nyiptakeun Nagara Viétnam dina raraga ngalawanan Républik Démokratik Viétnam nu dijalankeun ku Viét Minh.
- 1957 – Mesir muka deui Terusan Suéz sabada Krisis Suéz.
- 1965 – Tilu ratus lima puluh marinir AS jadi pasukan tempur darat munggaran AS nu tempur dina Perang Viétnam.
- 1971 – Patarungan Abad Ieu antara Joe Frazier ngalawan Muhammad Ali dimimitian. Frazier meunang 15 ronde ku kaputusan buleud.
- 1979 – Philips mintonkeun kompak disk ka balaréa pikeun kali kahijina di Éropa.
- 1985 – Hiji serangan nu diangkeuh rék maténi ulama Islam Sayid Mohammad Hussein Fadlallah di Béirut, Libanon, ngabalukarkeun 45 urang palastra sarta 175 lianna taratu.
- 2014 – Pasawat Maskapai Malaysia 370, nu ngangkut 239 jalma, leungit di rute Kuala Lumpur ka Béijing.
- 2017 – Jandela Azure, hiji kubah alam di Pulo Gozo, Malta, rugrug alatan badéy.
Nu babar
[édit | édit sumber]- 1879 – Otto Hahn, ahli kimia Jérman (td. 1968)
- 1957 – Clive Burr, pamaén dram Inggris (Iron Maiden) (td. 2013)
- 1990 – Petra Kvitová, pamaén ténes Céko
Nu pupus
[édit | édit sumber]- 1917 – Ferdinand von Zeppelin, jéndral jeung pangusaha Jérman (l. 1838)
- 1930 – William Howard Taft, présidén Amérika Sarikat ka-27 (l. 1857)
- 1943 – Cipto Mangunkusumo, Pahlawan Nasional Indonésia (l. 1886)
- 2004 – Muhammad Zaidan, militan Syria, ngadegkeun Front Pangbébasan Palestina (l. 1948)
- 2005 – Aslan Maskhadov, présidén katilu Républik Cechnya Ickeria (l. 1951)
- 2020 - Max von Sydow (l. 1929)
Poé peré / poé panginget-nginget
[édit | édit sumber]- Poé Wanita Internasional
Tumbu luar
[édit | édit sumber]https://en.wikipedia.org/wiki/March_8
![]() |
Artikel ngeunaan kalénder ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |