Bon Jovi
Bon Jovi nyaéta grup musik rock asal New Jersey, Amerika Serikat anu miboga personil, Jon Bon Jovi (vokal/gitar), Richie Sambora (gitar), Tico Torres (drum), David Bryan (keyboard) jeung Hugh McDonald (bass)[1]. Ngaran Bon Jovi soarangan dicokot ti ngaran tukang vokalisna, Jon Bon Jovi (Jon Bongiovi)[2]. Awalna Jon sok ngabéakkeun mangsa ngorana di studio rekaman kagungan dulurna[2]. Jon nyieun demo anu judulna runaway, ieu lagu jadi jawara di radio-radio lokal di New Jersey[2]. Terus Jon jeung Bryan ngabentuk Bon Jovi anu didukung ku Dave Sabo dina gitar, Alec John dina bass jeung Tico Torres dina drum[2]. Bon Jovi nyieun kontrak jeung Polygram/Mercury dina taun 1983[2].
Karir[édit | édit sumber]
Album pertama Bon Jovi dingaranan Bon Jovi anu dirilis taun 1984, diteruskeun ku album 7800° Fahrenheit (1985), Slippery When Wet (1986), New Jersey (1988), Living in Sin (1989), Keep the Faith (1992), These Day (1995), jeung Crush (2000)[2]. Taun 2002, Bon Jovi ngarilis album Bounce anu meunangkeun Gold di Amérika, Australia, jeung Inggris[1]. Album Have a Nice Day (2005) jeung Lost Highway (2007) meunangkeun platinum di Amérika, Kanada, Jerman, Swiss, jeung Jepang[1].
Bon Jovi meunang panglélér dina acara Grammy taun 2007 dina kategori Best Country Collaboration pikeun lagu Who Says You Can't Go Home[1]. Saacanna dina taun 2000, Bon Jovi asup nominasi Grammy ngaliwatan lagu It's My Life[1]. Bon Jovi geus ngajual kurang leuwih 35 juta albumna di Amérika jeung 120 juta albumna saalam Dunya ti saprak diadegkeun dina taun 1984[1].
Référénsi[édit | édit sumber]
|
Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |