ವಿಕಿಪೀಡಿಯ:ಸೊಂತೊ ಸಂಶೋಧನೆ ಆಪುಜಿ
![]() | ಈ ಲೇಖನ ಅತ್ತ್ಂಡ ಲೇಖನದ ವಿಬಾಗೊ ವಿಸ್ತರಣೆ ಅತ್ತ್ಂಡ ಮಹತ್ವೊದ ಬದಲಾವಣೆತ ನಡುಟ್ ಉಂಡು. ಈರ್ಲಾ ಲೇಕನೊದ ಸಂಪಾದನೆತ ಬುಲೆಚಿಲ್ಗ್ ಪಾಲ್ ದೆತೊನೊಲಿ. ಈ ಲೇಕನೊ ಅತ್ತಂಡ ವಿಬಾಗೊನು ಮಸ್ತ್ ದಿನೊ ಸಂಪಾದನೆ ಮಲ್ತಿಜಿಂಡ, ಈ ಟೆಂಪ್ಲೇಟ್ನ್ ದೆಪ್ಪುಲೆ. ಈ page ಕಡೆಯ ಬಾರಿ ಸಂಪಾದಿಸಿದ್ದು ಇವರು Kishore Kumar Rai (ಚರ್ಚೆ | ಕೊಡುಗೆಗಳು) 7 years ago. (ಅಪ್ಡೇಟ್) |
ವಿಕಿಪೀಡಿಯಡ್ ಸ್ವಂತೊ ಸಂಶೋಧನೆ ಮಲ್ಪೆರೆ ಆಪುಜಿ. ವಿಕಿಪೀಡಿಯಡ್ ಗಲಸುನ "ಮೂಲೊದ ಸಂಶೋಧನೆ"ತ ನುಡಿಕಟ್ಟ್-ನಿಜಾಂಸೊ, ಆರೋಪೊ ಬೊಕ್ಕ ಚಿಂತನೆದಂಚಿನ ಮಾಹಿತಿಲೆನ ಬಗೆಟ್ ಒವ್ವೇ ನಂಬೆರಾಪುನಂಚಿನ ಅತ್ತ್ಂಡ ವಿಶ್ವಾಸೊಗ್ ಯೋಗ್ಯವಾಯಿನ, ಪ್ರಕಟ ಆತಿನ ಮೂಲೊಲು ಅಸ್ತಿತ್ವೊಡ್ ಇಜ್ಜಿ ಪಂಡ್ದ್ ಸೂಚನೆ ಮಲ್ಪುಂಡು. [೧]. ಉಂದು ಪ್ರಕಟ ಆತಿನ ಮಾಹಿತಿದ ಬಗೆಟ್ ಮೂಲ ಆಕರೊಲು ಸೂಚನೆ ಕೊರಂದಿನಂಚಿನ ನಿಲುವುಲೆನ್ ತೋಜಾದ್ ಕೊರ್ಪಿನ ವಿಶ್ಲೇಷಣೆ ಬೊಕ್ಕ ಮರುನಿರೂಪಣೆನ್ಲ ಸೇರಾವುಂಡು. ನಿಕುಲು ಸೊಂತೊದ ಸಂಶೋಧನೆನ್ ಸೇರಾವೊಂದಿಜ್ಜರ್ ಪಂಡ್ದ್ ತೋಜಾದ್ ಕೊರ್ಯೆರೆ ಲೇಕನೊದ ವಿಸಯೊಗ್ ಸೀದ ಸಂಬಂದ ಇತ್ತಿನ, ನಂಬೆರೆ ಯೋಗ್ಯವಾಯಿನ, ಪ್ರಕಟ ಆತಿನ ಮೂಲ್ಲೊನೆ ಉಲ್ಲೇಕೊಲೆನ್ ಸೇರ್ಸಾವೊಡು ಬೊಕ್ಕ ಅವು ನಮ ಕೊರ್ತಿನ ಮಾಹಿತಿಗ್ ಬೆರಿಸಾಯೊ ಕೊರ್ಪುಲೆಕ್ಕ ಉಪ್ಪೊಡು. (ಸೊಂತ ಸಂಶೋಧನೆದ ಬಗೆಟ್ ಈ ನಿರ್ಬಂದೊ ಚರ್ಚಾ ಪುಟೊಗ್ ಅನ್ವಯ ಆಪುಜಿ.)
ಸೊಂತ ಸಂಶೋಧನೆ (ಸೊಂಸಂ) ಬಗೆಟ್ ತಡೆ ಅತ್ತ್ಂಡ ನಿಸೇದೊ ಪಂಡ ಲೇಕನೊಡು ಸೇರಾದಿನ ಮಾತಾ ಮಾಹಿತಿಲಾ ನಂಬೆರೆ ಯೋಗ್ಯೊ. ಪ್ರಕಟ ಆತಿನ ಮೂಲೊಲೆಗ್ ಆರೋಪ ಮಲ್ತಿಜಿಡಲಾ ಅಂಚ ಆರೋಪ ಮಲೆಪೆರೆ ಸಾದ್ಯೊ ಆಪುಲೆಕ್ಕ ಉಪ್ಪೊಡ್. [೧] ಪರಿಶೀಲನಾರ್ಹತೆ ನೀತಿ ಪೂರಾ ಉದ್ಧರನೊಲೆಗ್ಲ(ಬೇತೆ ಮೂಲೊಲೆರ್ದ್ ದೆತೊನುನಿ) ಲೇಕನದ ಉಲಯಿ (ಇನ್ಲೈನ್) ಉಲ್ಲೇಕೊಲು ಉಪ್ಪೊಡುಂದ್ ಪನ್ಪುಂಡ್. ಈ ನೇಮೊ ಪ್ರಶ್ನೆ ಮಲ್ದಿನ ಅತ್ತ್ಂಡ ಪ್ರಶ್ನೆ ಮಲ್ಪೆರಾಪುನ ಮಾತ ಮಾಹಿತಿಲೆಗ್ಲಾ ಪತ್ತುಂಡು. ಒಂಜಿ ವೇಳೆ ಪ್ರಶ್ನೆ ಮಲ್ತಿಜೆರ್ಡಲಾ ಮೂಲ ಆಕರೊಲು ಉಪ್ಪೊಡು. ದಾಯೆ ಪಂಡ ಪ್ರಕಟ ಆತಿನಂಚಿನ ಮೂಲೊಲು ಅಸ್ತಿತ್ವೊಡು ಉಂಡು ಪಂಡ್ದ್ ನಂಕ್ ಗೊತ್ತುಂಡು. ಉಲ್ಲೇಕೊಲೆನ್ ಆಕ್ಷೇಪ ಮಲ್ತಿಜಿಡಲಾ ಮಲ್ಪೆರಾಪಿನ ಸಾದ್ಯತೆ ಉಂಡು. ಉದಾರ್ಮೆಗ್ "ಫ಼್ರಾನ್ಸ್ ರಾಜಧಾನಿ ಪ್ಯಾರಿಸ್" ಪನ್ಪಿನ ಹೇಳಿಕೆಗ್ ಒವ್ವೇ ಮೂಲೊನ್ ಉಲ್ಲೇಕೊ ಮಲ್ಪುನ ಅಗತ್ಯ ಇಜ್ಜಿ. ದಾಯೆ ಪಂಡ ಈ ಹೇಳಿಕೆನ್ ಏರ್ಲ ವಿರೋದೊ ಮಲ್ಪೆರೆ ಸಾದ್ಯ ಇಜ್ಜಿ. ಈ ಹೇಳಿಕೆಗ್ ಪ್ರಕಟ ಆತಿನ ಮೂಲೊಲುಲಾ ಉಲ್ಲ ಪಂದ್ ನಂಕ್ ಗೊತ್ತುಂಡು. ಆಂಡಲ ಈ ಉಲ್ಲೇಕೊಲೆನ್ ಆರೋಪ ಮಲ್ಪೆರೆ ಸಾದ್ಯಾಪಿನ ಹೇಳಿಕೆ ಉಂದು.
ಆಕರೊಲೆನ್ ಗಲಸುನಿ
[ಸಂಪೊಲಿಪುಲೆ]ಮಾಹಿತಿಗೆ ನಂಬೆರೆ ಯೋಗ್ಯವಾಯಿನ ಮೂಲೊಲೆನ್ ತೋಜಾವುನ ಅಗತ್ಯ ಇಜ್ಜಿಡಲ ನಿಕ್ಲು ಐನ್ ಕೃತಿ ಚೌರ್ಯ ಮಲ್ಪೆರೆ ಬಲ್ಲಿ. ಬೇತೆ ಕೃತಿಕ್ಲೆನ ಹಕ್ಕ್ ಸ್ವಾಮ್ಯನ್ ಉಲ್ಲಂಗನೆ ಮಲ್ಪೆರೆ ಬಲ್ಲಿ. ಲೇಕನೊದ ಮೂಲೊಲೆದ ಅಗತ್ಯೊಗ್ ಬಂಗ ಬರಂದಿಲೆಕ್ಕ ನಿಕ್ಲೆನ ಪದೊಕ್ಲೆಡ್ ಬರೆಯೊಡು. ಆತತ್ತಂದೆ ಲೇಕನೊದ ಪ್ರತಿಯೊಂಜಿ ಹೇಳಿಕೆನ್ಲ ಐನ್ ಪನ್ಪುನ ಆಕರೊಲೆದ ಮಿತ್ತ್ ಆರೋಪಿಸವುನ ಅಗತ್ಯೊ. ಮೂಲೊ ಆಕರೊಲೆದ ಮಾಹಿತಿನ್ ಐತ ಅರ್ತೊ ಬೊಕ್ಕ ಉಲ ಅರ್ತೊಲೆಗ್ ಬಂಗ ಬರಂದಿಲೆಕ್ಕ ಜಾಗ್ರತೆಡ್ ಸಂಗ್ರಹೊ ಮಲ್ಪೊಡು. ಮೂಲೊ ಆಕರೊಲೆಡ್ ದಾದ ಪಂತ್ಂಡ ಐರ್ದ್ ಅಕರ ಪೋವಂದಿಲೆಕ್ಕ ಅತ್ತ್ಂಡ ಮೂಲೊ ಆಕರೊದ ಉದ್ದೇಸೊಗ್ ಸರಿಪೋವಂದಿಲೆಕ್ಕ (ಉದಾರ್ಮೆಗ್ಮೂ ಉಲ್ಲೇಕೊಲೆನ್ಲ ಐತ ಸಂದರ್ಬೊನು ಗೆನ್ಪಂದಿಲೆಕ ಉಲ್ಲೇಕ ಮಲ್ಪುನಿ) ಗಲಸಂದಿಲೆಕ್ಕ ಎಚ್ಚೆರ್ಗೆ ದೆತೊನ್ಲೆ. ಬೇತೆ ಪಾತೆರೊಡ್ ಪನ್ಪಿನಾಂಡ ಮೂಲೊಗ್ ದಕ್ಕೆ ಬರಂದೆ ಉಪ್ಪಡ್ ವಿಸಯೊದ ಮಿತ್ತ್ ಒವ್ವೇ ನಂಬೆರೆ ಯೋಗ್ಯವಾಯಿನ ಮೂಜನೇ ಪಕ್ಷೊದ ಆಕರೊಲು ತೋಜುಜಿ ಪಂಡ್ದಾಂಡ, ವಿಕಿಪೀಡಿಯಾಡ್ ಐತ ಬಗೆಟ್ ಲೇಕನ ಉಪ್ಪೆರೆ ಬಲ್ಲಿ. ನಿಕ್ಲು ದಾದಾಂಡಲ ಪೊಸತ್ ವಿಸಯೊನ್ ನಾಡ್ದ್ ಪತ್ಯರ್ಂಡ ಅಂಚಿನ ಇಸಯೊಲೆನ್ ಗೋಸನೆ ಮಲ್ಪೆರೆ ವಿಕಿಪೀಡಿಯ ಪಂತಿನ ಜಾಗೆ ಅತ್ತ್.
ವಿಸ್ವಾಸೊಗ್ ಯೋಗ್ಯವಾಯಿನ ಆಕರೊಲು
[ಸಂಪೊಲಿಪುಲೆ]ಒವ್ವೇ ಮಾಹಿತಿನ್ ಪ್ರಶ್ನೆ ಮಲ್ತ್ದ್ ಇತ್ತ್ಂಡ, ಅತ್ತ್ಂಡ ಪ್ರಶ್ನೆ ಮಲ್ಪುನ ಸಾದ್ಯೊ ಇತ್ತ್ಂಡ ಐಕ್ ನಂಬೆರೆ ಯೋಗ್ಯವಾಯಿನಂಚಿನ ಆಕರೊಲೆನ ಬೆಂಬಲ ಉಪ್ಪೊಡು. ನಂಬೆರೆ ಯೋಗ್ಯ ದಾಂತಿನ ಮಾಹಿತಿನ್ 'ಸೊಂತ ಸಂಶೋಧನೆ' ಪಂಡ್ದ್ ಗೆನ್ಪೊಲಿ. ನಿಕ್ಲೆನ ಸಂಪಾದನೆ ಸೊಂತ ಸಂಸೋಧನೆ ಅತ್ತ್ ಪಂಡ್ದ್ ತೋಜಾಯೆರೆ ಉಪ್ಪುನ ಒಂಜೇ ಸಾದಿ ಪಂಡ ಆ ಮಾಹಿತಿ ಉಪ್ಪುನ ನಂಬೆರೆ ಯೋಗ್ಯವಾಯಿನಂಚಿನ ಪ್ರಕಟ ಆತಿನ ಮೂಲ ಆಕರೊಲೆನ್ ಉಲ್ಲೇಕೊ ಮಲ್ಪುನಿ. ನಂಬೆರೆ ಯೋಗ್ಯವಾಯಿನ ಮಾಹಿತಿಲೆನ ಆಕರೊಲೆನ್ಲ ಐಕ್ಲೆ ಸಂದರ್ಬೊಗ್ ಅತ್ತಂದಿಲೆಕ್ಕ ನಿಕ್ಲೆ ಗಲಸ್ಯರ್ಂಡ ಐಟ್ ಸೀದ ಬೊಕ್ಕ ಸ್ಪಸ್ಟವಾದ್ ಇಜ್ಜಂದಿನ ನಿರ್ಣಯೊಲೆಗ್ ನಿಕ್ಲು ಎತ್ಯರ್ಂಡ ನಿಕ್ಲು ಸೊಂತ ಸಂಶೋಧನೆ ಮಲ್ತರ್ಂದೇ ಅರ್ತೊ.
ಸಾಮಾನ್ಯವಾದ್, ಎಚ್ಚಾದ್ ನಂಬೆರೆ ಯೋಗ್ಯವಾಯಿನ ಮೂಲೊಲು:
- ತಜ್ಞೆರೆಡ್ದ್ ವಿಮರ್ಶೆ ಮಲ್ತೊಂದಿನ ಪತ್ರಿಕೆಲು
- ವಿಶ್ವ ವಿದ್ಯಾನಿಲಯೊದ ಮುದ್ರಣ ಸಂಸ್ಥೆರ್ದ್ ಪ್ರಕಟ ಆತಿನ ಬೂಕುಲು
- ವಿಶ್ವವಿದ್ಯಾನಿಲಯದ ಮಟ್ಟೊದ ಓದುನ ಬೂಕುಲು
- ಗೌರ್ವಾನ್ವಿತ ಪ್ರಕಾಶಕೆರ್ ಪ್ರಕಟ ಮಲ್ದಿನ ನಿಯತಕಾಲಿಕೆಲು, ಪತ್ರಿಕೆಲು ಬೊಕ್ಕ ಬೂಕುಲು
- ಮುಖ್ಯವಾಹಿನಿದ ಪತ್ರಿಕೆಲು
ತಂಬ್ರೂಲ್ (ಸಾಮಾನ್ಯೊ ಸೂತ್ರೊ)ದ ಲೆಕ್ಕ, ಎಚ್ಚ ಜನೊಕುಲು ತಪಾಸಣೆ ಮಲ್ಪುನ, ಕಾನೂನುದ ವಿಶ್ಲೇಷಣೆಗ್ ಉಲಾಯಾಪುನ ಬೊಕ್ಕ ಬರವುದ ಪರಿಶೀಲನೆಗ್ ಉಲಪಡುನ ಪ್ರಕಟಣೆಲು ಜಿಂಜ ನಂಬೆರೆ ಯೋಗ್ಯವಾದುಂಡೂ. ಸೊಂತ ಪ್ರಕಟೊ ಮಲ್ದಿನ ಮಾಹಿತಿಲು, ಪತ್ರಿಕೆಲೆಡಾವಡ್ ಆನ್ ಲೈನ್ ಆವಡ್, ಸಾದಾರನಾದ್ ನಂಬೆರೆ ಯೋಗ್ಯ ಪಂಡ್ದ್ ಗುಮನೊ ಆತಿಜಿ. ಲೇಕನೊದ ಮಾಹಿತಿದ ಬಗೆತ ಉಲ್ಲೇಕೊಲು ಪರಿಶೀಲನೆ ಮಲ್ಪೆರೆ ಯೋಗ್ಯ ಆದುಪ್ಪೊಡೂ. ಸಾಮಾನ್ಯವಾದ್ ಲೇಕನೊದ ಹೇಳಿಕೆಲೆನ್ ಸಂಗತೊ ಅತ್ತಂದಿನ, ಅತ್ತ್ಂಡ ಸ್ಪಸ್ಟೊದಾಂತಿನ ಬಾಗೊರ್ದ್ ಅತ್ತ್ಂಡ ಆಯಾಯ ಸಂದರ್ಬೊಡು ಪಂಡ್ನ ಹೇಳಿಕೆಲೆಡ್ದ್ ದೆಪ್ಪೆರೆ ಬಲ್ಲಿ. ಮಸ್ತ್ ವಿಶ್ಲೇಷಣೆಲು ಸಾದ್ಯೊ ಇತ್ತಿನ ಬಾಗೊಲೆನ್ ಕಂಡೀತಾದ್ ಉಲ್ಲೇಕೊ ಅತ್ತ್ಂಡ ಗಲಸೆರೆ ಬಲ್ಲಿ. ಚರ್ಚೆದ ಸಾರಾಂಸೊ ಮೂಲೊ ಆಕರೊಲೆದ ತೀರ್ಮಾನೊಲೆಂದ್ ನೆಗತ್ ತೋಜಾವೊಡ್. ವಾ ರೀತಿದ ಉಲ್ಲೇಕೊರ್ದ್ಲಾ ಅಸ್ಪಸ್ಟ ನಿರ್ಣಯೊಲೆನ್ ದೆತ್ತ್ಂಡ ಅವು ಸೊಂತ ಸಂಶೋಧನೆ ಆಪುಂಡು. ಕೊರ್ತಿನ ಉಲ್ಲೇಕೊಲು ಐತ ಸಂದರ್ಬೊಗು ತಕ್ಕ ಉಪ್ಪೊಡು ಬೊಕ್ಕ ವಿಸಯೊಗ್ ತಕ್ಕ ಉಪ್ಪೊಡು.
ಮೂಲೊ ಚಿತ್ರೊಲು
[ಸಂಪೊಲಿಪುಲೆ]ಮಸ್ತ್ ದೇಸೊಲೆನ ಕೃತಿಸ್ವಾಮ್ಯೊ ಕಾನೂನುಲೆ ಕಾರನೊಗು, ಕೆಲವೇ ಚಿತ್ರೊಲು ವಿಕಿಪೀಡಿಯಡ್ ಗಳಸುನೆಗ ತಿಕುಂಡು. ಅಂಚಾದ್, ವಿಕಿಪೀಡಿಯ ಸಂಪಾದೆಕೆರ್ ಅಕ್ಲೆನವೇ ಚಿತ್ರೊಲೆನ್ (ಅಕ್ಲೆನೆ ಚಿತ್ರೊ ಅತ್ತಂಡ) ಕ್ರಿಯೇಟಿವ್ ಕಾಮನ್ಸ್ ಲೈಸೆನ್ಸ್ ಅತ್ತಂಡ ಬೇತೆ ಸೊಂತೊ ಲೈಸೆನ್ಸ್ದ ಅಡಿಟ್ ಬುಡ್ಗಡೆ ಮಲ್ತ್ದ್ ಅಪ್ಲೋಡ್ ಮಲ್ಪೆರೆ ಪ್ರೋತ್ಸಾಹೊ ಕೊರ್ಪುಂಡು. ವಿಕಿಪಿಡಿಯನ್ ಸ್ರಿಸ್ಟಿಸಯಿನ ಚಿತ್ರೊನು ಓಡೆಮುಟ್ಟ ಅವು ಪ್ರಕಟೊ ಆವಂದಿನ ಚಿಂತನೆಲು ಅತ್ತಂಡ ವಾದೊಲೆನ್ ದುಂಬು ದೀಡುಜೋ ಅತ್ತಂಡ ಚಿತ್ರಿಸವುಜೊ ಆಡೆಮುಟ್ಟ ಮೂಲೊ ಚಿತ್ರೊಲೆನ್ ಸೊಂತೊ ಸಂಶೋಧನೆ ಪಂಡ್ದ್ ಲೆಕ್ಕೊಗು ದೆತೊನ್ಯೆರೆ ಆಪುಜಿ. ಇಂದೆತ ಪಿರವುಡುಪ್ಪು ಕಾರಣೊ ಸೊಂಸಂಸ ನೀತಿ. ಲೇಕನೊದ ಹೇಳಿಕೆಗಾತ್ ಚಿತ್ರೊದ ತರೆಬರವುಲಾ ಈ ನೀತಿಗ್ ಉಲಸೇರುಂಡು.
ಸಂಪಾದಕೆರ್ ಪೋಟೋ ಮ್ಯಾನುಪುಲೇನ್ (ಚಿತ್ರೊಲೆನ್ ತಿದ್ದುನ ತಂತ್ರಾಂಸೊ) ಗಳಸ್ದ್ ನಿಜೊ ಅತ್ತಂಡ ಚಿತ್ರೊಡುಪ್ಪುನ ಸತ್ಯಾಂಸೊನು ವಿರೂಪೊ ಮಲ್ಲಪುನೆ ಅತ್ತಂಡ ತಿರ್ಚುನೆ ಸಮ್ಮತೊ ಅತ್ತ್. ತಿದ್ದ್ನ ಚಿತ್ರೊಲೆನ್ ದೆತ್ತ್ ತೋಜುನಂಚ ಗುರ್ತಿಸವೊಡು. ಒವ್ವೇ ತಿದ್ದಿನ ಚಿತ್ರೊ ತಿದ್ದಿನ ಕಾರಣೊಗು ಅವೆತ್ತ ವಿಶ್ವಕೋಶದ ಮೌಲ್ಯೊದ ಮಿತ್ತ್ ಪರಿಣಾಮೊ ಆಂಡ ಅಯಿನ್ ವಿಕಿಪೀಡಿಯ: ಫೈಲ್ಸ್ ಮಾಜಾವುನೆಗ್ ಪಾಡೊಡು. ಜೀವಂತೊ ವ್ಯಕ್ತಿಲೆನ ಚಿತ್ರೊಲೆನ್ ಸುಳ್ಳು ಅತ್ತಂಡ ಅಗೌರವೊ ಕೊನರುನ ರೀತಿಡ್ ತೋಜಾಯರೆ ಬಲ್ಲಿ
ಅನುವಾದ ಬೊಕ್ಕ ಪ್ರತಿಲೇಖನ
[ಸಂಪೊಲಿಪುಲೆ]ಮೂಲ ಮಾಹಿತಿನ್ ತುಲುಕ್ ಅನುವಾದ ಮಲ್ಪುನು ಅತ್ತ್ಂಡ ಆಡಿಯೋ/ವೀಡಿಯೋ ಮೂಲೊರ್ದ್ ಪಾತೆರೊಲೆನ್ ಅಂಚೆನೆ ಬರೆಪುನಿ, ಮೂಲ ಸಂಶೋಧನೆ ಆದ್ ಗಣನೆಗ್ ಬರ್ಪುಜಿ.
ರೂಢಿದ ಲೆಕ್ಕಾಚಾರೊಲು
[ಸಂಪೊಲಿಪುಲೆ]ರೂಢಿದ ಲೆಕ್ಕಾಚಾರೊಲು, ಬೊಕ್ಕ ಐತ ಪಲಿಪುಲು ಮೂಲ ಆಕರೊನ್ ಸ್ಪಷ್ಟವಾದ್, ಸರಿಯಾದ್ ಬೊಕ್ಕ ಅರ್ತಆಪುಲೆಕ್ಕ ತೋಜಾವುಂಡು ಪನ್ಪಿನ ಬಗೆಟ್ ಸಂಪಾದಕೆರೆಡ ಒಮ್ಮತ ಉಂಡುಂದಾಂಡ, ಅವು ಸೊಂತ ಸಂಶೋಧನೆ ಪಂಡ್ದ್ ಗೆನ್ಪೆರಾಪುಜಿ. ಕೂಡಾವುನಿ, ಘಟಕೊಲೆನ್ ಬದಲ್ಪುನಿ,ಅತ್ತ್ಂಡ ವ್ಯಕ್ತಿನ ಪಿರಯೊನ್ ಲೆಕ್ಕ ಮಲ್ಪುನಿ ಇಂಚಿನ ಬೇಸಿಕ್ ಅಂಕಗಣಿತ ರೂಢಿದ ಲೆಕ್ಕಾಚಾರದ ಕೆಲ್ವು ಉದಾರ್ಮೆಲು.
ಸಂಬಂಧಿಸಯಿನ ನೀತಿಲು
[ಸಂಪೊಲಿಪುಲೆ]ಪರಿಶೀಲನೆದ ಅರ್ಹತೆಲು
[ಸಂಪೊಲಿಪುಲೆ]ವಿಕಿಪೀಡೀಯದ ವಿಷಯೊಲು ವೈಯಕ್ತಿಕ ನಂಬೊಲಿಗೆಲ್ಯ್ ಅತ್ತ್ಂಡ ಸಂಪಾದಕೆರ್ನ ಅಲ್ಮೊಗೊರ್ದ್ ದುಂಬು ಪ್ರಕಟಾತಿನ ಮಾಹಿತಿದ ಆಧಾರೊದ ಮಿತ್ತ್ ನಿರ್ಧಾರ ಆಪುಂಡು. ನಿಕ್ಲು ಒವ್ವಾ ಒಂಜಿ ವಿಷಯೊನ್ ಖಚಿತ ಆದ್ ಸತ್ಯ ಪಂದ್ದ್ ಎನ್ನಿಯರ್ಡಲ, ನಿಕ್ಲು ಲೇಕನೊಡ್ ಸೇರಾವುನೆಕ್ ದುಂಬು ಸುರು ಐನ್ ಪರಿಶೀಲನೆ ಮಲ್ಪೊಡು. ಮಾತ ಮಾಹಿತಿಲೆನ್ಲ ಪ್ರಶ್ನೆ ಮಲ್ಪೆರೆ ಅತ್ತ್ಂಡ ಆಕ್ಷೇಪ ಮಲ್ಪೆರೆ ಸಾಧ್ಯ ಉಂಡು ಪಂಡ್ದ್ ಈ ನೀತಿ ಪನ್ಪುಂಡು. ಮಾತ ಉದ್ಧರಣೊಲೆಗ್ಲಾ (ವಿಷಯೊನ್ ದೆರ್ಪುನಿ) ಒಂಜಿ ನಂಬೆರೆ ಆಪುನಂಚಿನ ಆಕರ (ಮೂಲ)ದ ಅಗತ್ಯ ಉಂಡು. ಒವೆನ್ ವಿಶ್ವಾಸಾರ್ಹ ಮೂಲ ಪಂಡ್ದ್ ಗಣ್ಯೊಗ್ ದೆತೊನೆರೆ ಆಪುಂಡ್ ಪನ್ಪುನೆಕ್ ವಿಕಿಪೀಡಿಯ:Identifying-reliable-sources ಮುಲು ತೂಲೆ.
ತಟಸ್ಥ ದೃಷ್ಟಿಕೋನ
[ಸಂಪೊಲಿಪುಲೆ]ಸೊಂತ ಸಂಶೋಧನೆದ ವಿರೋದ ನಿಷೇದನ್ ಸಂಪಾದಕೆರ್ ಲೇಕನೊಲೆಡ್ ತನ್ಕುಲೆನ ಸೊಂತದ ಅಬಿಪ್ರಾಯೊಲೆಕನ್ ಕೊರ್ಯೆರೆ ಒಂಜಿ ಮಿತಿ ಪಾಡುವೆರ್.ಬೇತೆಕ್ಲೆನ ಪರಿಶೀಲನೆ ಮಲ್ಪೊಲಿಂಚಿತ್ತಿನ ಸಂಶೋಧನೆಲೆನ್ ಸೇರವುನೆತ ಮಹತ್ವೊನ್ ಬಲಮಲ್ಪುನ ಮುಕಾಂತ್ರ ಈ ನೀತಿ ಬೇತೆ ಬೇತೆ ದೃಷ್ತಿಕೋನೊಲೆನ್ ಉಲಮಲ್ಪುಲೆಕ್ಕ ಪ್ರೋತ್ಸಾಹ ಕೊರ್ಪುಂಡು. ಐತ ಪರ್ಣಾಮವಾದ್ ಈ ನೀತಿ ನಮ್ಮ ತಟಸ್ಥ ನೀತಿನ್ ಬಲಮಲ್ಪುಂಡು. ಒಂಜಿ ಇಸಯೊದ ಬಗೆಟ್ ಮಸ್ತ್ ಸ್ಥಾಪಿತ ದೃಷ್ತಟಿಕೋನೊಲು ಮಸ್ತ್ ಸಂದರ್ಪುಡ್ ಉಪ್ಪುವ. ಇಂಚಿನ ಸಂದರ್ಪುಡ್ ಒವ್ವೇ ಒಂಜಿ ನಿಲುಮೆ, ಅವು ಏತೇ ಎಡ್ಡೆ ರೀತಿಡ್ ಸಂಶೋಧನೆ ಮಲ್ತ್ದ್ ಇತ್ತ್ಂಡಲ, ಅಧಿಕೃತ ಅತ್ತ್. ಮಾತ ದೃಷ್ಟಿಕೋನೊನ್ಲಾ ಸಂಶೋಧನೆ ಮಲ್ಪುನ ಒವ್ವೇ ಒರಿ ಸಂಪಾದಕನ ಜಬದಾರಿ ಅತ್ತ್. ಒಂಜಿ ಲೇಕನೊದ ಉಲಯಿ ಸಂಶೋಧನೆನ್ ಅಡಕ ಮಲ್ಪುನಗ ಸಂಪಾದಕೆರ್, ಸದ್ಯೊದ ನಿಲುಮೆ ಎಂಚ ಉಂಡ್ಯ್ ಬೊಕ್ಕ ಅವು ಮಸ್ತ್ ಜನತ ನಿಲುಮೆನಾ ಅತ್ತ್ಂಡ ಒಂತೆ ಜನೊತನಾ ಪಂಡ್ದ್ ಪನ್ಪುನ ಮುಕಾಂತರ, ಆ ದೃಷ್ಟಿಕೋನದ ಸಂದರ್ಪುದ ಮಾಹಿತಿ ಕೊರೊಡು. ಮಸ್ತ್ ಕಮ್ಮಿ ಜನೊಕ್ಲೆನ ದೃಷ್ಟಿಕೋನೊನ್ ಸೇರಿಸವುನ ಸೊಂತ ಸಂಶೋಧನೆಯಾಪುಂಡ್ಯೌ. ಈ ಬಗೆಟ್ ಜಿಂಬೊ ವೆಲ್ಸ್ ಇಂಚ ಪನ್ಪೆರ್:
- ನಿಕ್ಲೆನ ದೃಷ್ಟಿಕೋನ ಮಸ್ತ್ ಜನೊಕ್ಲೆನನೇ ಆದಿತ್ತ್ಂಡ, ಸಾದಾರ್ನ ಆದ ಒಪ್ಪಿತ ಮೂಲ ಉಲ್ಲೇಕೊ ಪಠ್ಯೊಲೆರ್ದ್ ಉಲ್ಲೇಕೊಲೆದ ಮೂಲಕ ಸಮರ್ಥನೆ ಮಲ್ಪುನ ಸೊಲಬ ಆಪುಂಡು.
- ನಿಕ್ಲೆನ ದೃಷ್ಟಿಕೋನ ಗುಮನೊಗ್ ಬರ್ಪಿನಾತ್ ಒಂತೆ ಜನೊಕ್ಲೆನ ಆದಿತ್ತ್ಂಡ-ಮುಖ್ಹ್ಯ ಅನುಯಾಯಿಲೆನ ಪುದರ್ ಪನೆರೆ ಸೊಲಬ ಆಪುಂಡು.
- ನಿಕ್ಲೆನ ದೃಷ್ಟಿಕೋನ ಮಸ್ತ್ ಅಲ್ಪಸಂಖ್ಯಾತೆರ್ನ ಆದಿತ್ತ್ಂಡ- ಅವು ಸರಿ ಉಪ್ಪಡ್ ಉಪ್ಪಂದೆ ಕುಲ್ಲಡ್ ಅತ್ತ್ಂಡ ನಿಕ್ಲು ಅವೆನ್ ತಯಾರ್ ಮಲ್ದುಪ್ಪಡ್ ಅತ್ತ್ಂಡ ಮಲ್ಪಂದೆ ಉಪ್ಪಡ್- ಬಹುಷಃ ಕೆಲವು ಪೂರಕ ಲೇಕನೊಲೆಡ್ ಬುಡ್ಂಡ, ಅವು ವಿಕಿಪೀಡಿಯಗ್ ಸೇರ್ದಿನ ಅತ್ತ್. ವಿಕಿಪೀಡಿಯ ಮೂಲ ಸಂಶೋಧನೆಗ್ ಜಾಗೆ ಅತ್ತ್.
ಉಲ್ಲೇಖಗಳು
[ಸಂಪೊಲಿಪುಲೆ]- ↑ ಮೂಲು "ಉಂಡು". ಪಂಡ ಸಮುದಾಯೊದ ಅರ್ಥ- ನಂಬೆರೆ ಯೋಗ್ಯವಾಯಿನ ಆಕರo ಪ್ರಕಟವಾದುಪ್ಪೊಡು. ಬೊಕ್ಕ ಅವು ನನಲ ಅಸ್ತಿತ್ವೊಡು ಉಪ್ಪೊಡು ಪಂಡ್ದ್ ಎನ್ನುಂಡು. ಇತ್ತೆ ಸದ್ಯೊಗ್ ಲೇಕನೊಡ್ ಒವ್ವೇ ಆಕರೊನ್ ಉಲ್ಲೇಕ ಮಲ್ಪಂದೆ ಉಪ್ಪುನಗಲ, ಅವು ಲೋಕೊದ ವಾ ಮೂಲೆಡಾಂಡಲ, ಒವ್ವೇ ಬಾಸೆಡಾಂಡಲ ಉಪ್ಪು, ವೆಬ್ ಮೂಲಕ ತಿಕ್ಕು, ಅತ್ತ್ಂಡ ತಿಕ್ಕಂದೆಲಾ ಉಪ್ಪು. ಈ ಅರ್ತೊಡ್ ಅಂಚಿನ ಲೇಕನೊಲುಲಾ, ಓಡೆಮುಟ್ಟ ನಂಬೆರೆ ಯೋಗ್ಯವಾದುಂಡು ಪನ್ಪಿನ "ನ್ಯಾಯಸಮ್ಮತ ನಿರೀಕ್ಷೆ" ಉಪ್ಪುಂಡ ಅಡೆಮುಟ್ಟಲಾ ಈ ನೀತಿ ನೇಮೊಗ್ ತಕ್ಕನೇ ಆದುಪ್ಪುಂಡು.