Bella Äxmädullina
Бу мәкаләнең кирилл әлифбасындагы игезәге бар.
Bella Äxmädullina | |
---|---|
![]() | |
Tulı iseme | Bella Äxät qızı Äxmädullina |
Hönäre | şağirä, yazuçı, tärcemäçe |
Tuu datası | 10 aprel 1937 |
Tuu cire | Mäskäw, ![]() |
Watandaşlığı | ![]() ![]() |
Milläte | tatar |
Ülem datası | 29 noyäber 2010 (73 yäş) |
Ülem cire | Peredelkino, Mäskäw ölkäse, Rusiä |
Bella Äxät qızı Äxmädullina (Белла Әхәт кызы Әхмәдуллина) – tanılğan sovet şağiräse, XX yözneñ ikençe yartışında iñ zur yazuçılarnıñ berse. Rusiä yazuçılar berdämlege, Rus PEN-üzäge, A.Puşkin is. Sınlı Sänğät muzeye dusları berlege äğzası. Amerika sänğät häm ädäbiät akademiäse layıqlı äğzası.
Tormış yulı
үзгәртүBella Äxmädullina 1937 yılnıñ 10 aprelendä Mäskäwdä dönyağa kilä. Atası milläte buyınça tatar, anası – İtaliä çığışınnan bulğan. Mäktäp yıllarında uq şiğer yazu belän qızıqsına başlıy. 1960nçe yılda Ädäbiät institutın tämamlıy.
1964 yılda “Живет такой парень” (Şundıy yeget yäşi) filmında jurnalist rolendä uynıy.
Berençe şiğer cıyıntığı – “Qıllar” (Струны) 1962 yılda dönya kürä. Annan soñ “Yalqınsınu” (Озноб, 1968), “Muzıka däresläre” (Уроки музыки, 1970), “Şiğerlär” (Стихи, 1975), “Qarlı buran” (Метель, 1977), “Şäm” (Свеча, 1977), “Ser” (Тайна, 1983), “Baqça” (Сад, 1989). Soñğısı öçen avtorğa Sovet Berdämlege däwlät premiäse birelä.
Bella Äxmädullina icatında Görci teması zur urın alıp tora. Äxmädullina bertörkem görci şağirläreneñ äsärlären tärcemä itä.
Bella Äxmädullina qäläme astınnan berniçä zamandaşı - tanılğan şağirlärgä bağışlanğan istäleklär, A.Puşkin, M. Lermontov turında esselar çığa.
Büläklär
үзгәртү- Sovet Berdämlege däwlät premiäse laureatı(1989)
- “Znamya”fondı laureatı (1993)
- “Nosside” laureatı (İtaliä, 1994)
- Triumf premiäse laureatı (1994)
- A.Tepfer fondınıñ Puşkin premiäse laureatı (1994)
- Rusiä Federatsiäse Prezidentı premiäse laureatı (2004)
- Xalıqlar duslıǧı ordenı (1984)
- III däräcä Watan aldındağı xezmätlär öçen orden laureatı (1997)
- II däräcä Watan aldındağı xezmätlär öçen orden laureatı (2007)