Казан юридик институты

Казан юридик институты
Нигезләнү датасы	1974
Дәүләт	Россия
Административ-территориаль берәмлек	Казан
Ана ширкәт	Русия Федерациясенең эчке эшләр министрлыгы
Рәсми веб-сайт	kui.mvd.ru

Россия Эчке эшләр министрлыгының Казан юридик институты (кыскача РФ ЭЭМ КЮИ) — Казанда урнашкан Россия Эчке эшләр министрлыгы системасының югары уку йорты.

Тарих

«Россия Эчке эшләр министрлыгының Казан юридик институты» федераль дәүләт казна мәгариф учреждениесе ССРБ ЭЭМ академиясе каршындагы Мәскәү читтән торып юридик белем бирү филиалының Казан укыту-консультация пункты (УКП) төзү юлы белән 1974 елның 21 мартында гамәлгә куела. Ул елны беренче 105 тыңлаучы җыела. 1999 елдан мөстәкыйль югары уку йорты.

Факультетлар

Россия ЭЭМ КЮИ №1 уку комплексы

• Югары белем бирү программалары буенча белгечләр әзерләү факультеты;
• Читтән торып уку факультеты;
• Профессиональ әзерлек, яңадан әзерләү һәм квалификация күтәрү факультеты

Башлыклар

• 1974—1978 — Григорий Федорович Елманов (1925) — отставкадагы эчке хезмәт полковнигы.
• 1978—1984 — Салих Җәләлетдин улы Япиев (1914—1993) — эчке хезмәт генерал-лейтенанты.
• 1984—1993 — Рафаэль Шәрип улы Мөгыйнов (1929) — отставкадагы эчке хезмәт полковнигы, атказанган ЭЭМ хезмәткәре.
• 1993—2008 — Наил Хәмит улы Сафиуллин (1948) — Татарстан Республикасының Атказанган юристы, юридик фәннәр кандидаты, профессор, милиция генерал-майоры. ТР буенча ЭЭМ коллегиясе әгъзасы, ТР Куркынычсызлык советы әгъзасы.
• 2008 елдан — Фоат Канафиевич Зиннуров (1959) — полиция генерал-майоры, педагогик фәннәр докторы, профессор.

Сылтамалар

• Россия ЭЭМ КЮИ рәсми сайты 2022 елның 6 гыйнвар көнендә архивланган.