Фиджи

Bu mäqäläneñ latin älifbasındağı igezäge bar.

Фиджи Җөмһүрияте Republic of Fiji Matanitu Tugalala o Viti Fidźi Ganaradźja / फ़िजी गणराज्य Байрак Илтамга Шигарь: «Rerevaka na Kalou ka Doka na Tui (Ходайдан курк һәм Патшаны хөрмәт ит)» Ил көе: Фиджи гимны Бәйсезлек 1970 елның 10 октябре (Бөекбританиядән) Рәсми тел инглиз теле, фиджи теле, һиндстани Башкала Сува Эре шәһәрләр Сува Президент Уильям Катонивере Премьер-министр Ситивени Рабука Мәйдан – Барлыгы – % Су 18 274 км² әз% Халык саны 935 974 кеше Акча Фиджи доллары Вакыт UTC +12 Пәрәвез домены .fj Телефон коды +679

Фи́джи Җөмһүрияте́ (ингл. Republic of Fiji, фидж. Matanitu Tugalala o Viti, фидж. һинди Fidźi Ganaradźja / फ़िजी गणराज्य ) — Фиджи архипелагында урнашкан дәүләт. Тын Океанның көньяк өлешендә урнашкан дәүләт, Меланезиянең өлеше.

Мәйданы

Фиджи территориясе 18 274 кв. км алып тора.

Төп шәһәрләр, административ бүленеш.

Фиджи башкаласы — Сува. Иң эре шәһәрләр: Сува, Лаутока. Илнең административ-территориаль бүленеше: 4 округ.

Дәүләт төзелеше

Фиджи — җөмһүрият. Дәүләтнең башы — президент, хакимият башы - премьер-министр. Канун бирү органы — ике палаталы парламент (Сенат һәм Бирелүчеләр палатасы)

Табигать

Рельеф

Барлык утрауларның да диярлек ярлары мәрҗән рифлары белән уратып алынган һәм нык киселгән. Утрауларның рельефында платолар хөкем сөрә, алар биеклеге 1000 м га кадәр булган тау сыртлары белән киселгән.

Геологик төзелеш һәм файдалы казылмалар

Илнең җир эчләрендә алтын, бакыр запаслары бар.

Климат

Климат тропик, океаник, дымлы. Уртача ел температурасы +25°С. Җилләрнең юнәлеше һәм утрауларның рельефы явым-төшемнәрдә шактый аерманы билгели (елына 1500 дән алып 4000 мм га кадәр).

Эчке сулар

Иң эре елгалар: Рева (100 км га кадәр кораб йөри ала), Ваннимбука, Мба, Сингатока (барысы да Леву утравында).

Туфраклар һәм үсемлекләр

Тауларның көньяк-көнчыгыш җил исә торган өслекләре файдалы агач токымнары белән (сандал, тик, кызыл) дымлы тропик урманнар белән капланган. Фиджида шулай ук пальмалар, икмәк агачы, бата, каучык бирүче үсемлекләр бар.

Хайваннар дөньясы

Утрауларда хайваннар юк диярлек. Кошлар күп.

Халкы

Халык саны якынча 936 мең кеше.

Кыскача тарихи тасвирлама

1874 елда Фиджи Бөекбритания колониясе булган һәм бәйсезлекне 1970 елның 10 октябренда яулаган. 1987 елда утрауларда подполковник Рабука җитәкчелегендә ике хәрби борылыш булган, шуның нәтиҗәсендә Фиджи президент җөмһүрияте дип игълан ителгән.

Кыскача икътисади тасвирлама

Икътисадның нигезе — авыл хуҗалыгы. Төп экспорт авыл хуҗалыгы культуралары: шикәр камышы, һинд чикләвеге пальмасы, бананнар. Мөгезле эре терлек, кәҗәләр, дуңгызлар үрчетәләр. Авыл хуҗалыгы чималы эшкәртү буенча (дөге чистарту, май язу, шикәр, ит) промышленносте, урман кисү һәм цемент предприятиеләре. Алтын чыгару. Чи шикәр, һинд чикләвеге мае, копра, алтын экспорты.

Акча берәмлеге — Фиджи доллары.

Кыскача мәдәният тасвирламасы

Мәдәният һәм архитектура.

Сува. Фиджи музее, анда Тын Океаныннан археологик һәм этнографик экспонатларның бай тупланмалары бар.

Әдәбият

• Энциклопедический справочник, "Все страны мира", Издательство "ВЕЧЕ", 2003.